പ്രവാസികളെ തിരികെ കൊണ്ടുവരാന് കേന്ദ്രസര്ക്കാര് തയ്യാറെടുക്കുന്നു; ഒരുക്കങ്ങളുടെ വിശദാംശങ്ങള് തേടി സംസ്ഥാനങ്ങള്ക്ക് കത്ത്
ന്യൂഡല്ഹി: വിദേശത്ത് കുടുങ്ങിക്കിടക്കുന്ന ഇന്ത്യക്കാരെ തിരികെയെത്തിക്കാന് കേന്ദ്രസര്ക്കാര് തയ്യാറെടുക്കുന്നു. പ്രവാസികളെ തിരികെ കൊണ്ടുവരുന്നതുമായി ബന്ധപ്പെട്ട് വിദേശകാര്യ സെക്രട്ടറി സംസ്ഥാന ചീഫ് സെക്രട്ടറിമാര്ക്ക് കത്തയച്ചു.
സംസ്ഥാനങ്ങളുടെ തയ്യാറെടുപ്പുകളുടെ വിശദാംശങ്ങള് ആരാഞ്ഞുകൊണ്ടാണ് കത്തയച്ചത്. വിശദാംശങ്ങള് ചര്ച്ച ചെയ്യാന് ക്യാബിനറ്റ് സെക്രട്ടറി രാജീവ് ഗോബയുടെ നേതൃത്വത്തില് ഉന്നതതലയോഗം ചേരും.
ഗള്ഫിലും യൂറോപ്യന് രാജ്യങ്ങളിലും ഉള്ള ഇന്ത്യക്കാരുടെ കണക്ക് എംബസികള് മുഖേന വിദേശകാര്യമന്ത്രാലയം ശേഖരിച്ചിട്ടുണ്ട്. ഇതുകൂടി അടിസ്ഥാനമാക്കിയാക്കിയായിക്കും കേന്ദ്ര നടപടികള്.
കേരളം പ്രവാസികളെ സ്വീകരിക്കാന് എല്ലാ തയ്യാറെടുപ്പുകളും പൂര്ത്തിയാക്കിയതായി മുഖ്യമന്ത്രി നേരത്തെ തന്നെ കേന്ദ്രത്തെ അറിയിച്ചിരുന്നു. എന്നാല് ഒരു സംസ്ഥാനത്തിനെ മാത്രം പരിഗണിക്കാന് സാധിക്കില്ല എന്നായിരുന്നു അന്ന് കേന്ദ്രസര്ക്കാര് സ്വീകരിച്ച നിലപാട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ