ബംഗളൂരു: പട്ടാപകല്‍ നടുറോഡില്‍ വെച്ച് കാമുകിയെ വടിവാളിന് വെട്ടി യുവാവ്. ഹുബാലി ദേഷ്പാണ്ഡേ നഗറിലാണ് സംഭവം. സംഭവത്തിന്റെ വിഡിയോ സമൂഹമാധ്യമങ്ങളില്‍ വ്യാപകമായി പ്രചരിക്കുകയാണ്.
റോഡിന്റെ നടുവില്‍ യുവതി ഇരിക്കുന്നതാണ് വീഡിയോയില്‍ കാണുന്നത്. യുവാവ് തുടരെ യുവതിയെ വടിവാള്‍ കൊണ്ട് ആക്രമിക്കുന്നു. ഈ സമയവും യുവതിയെ രക്ഷിക്കാനായി ആരും മുന്‍പോട്ട് വന്നില്ല.
യുവതി ബോധരഹിതയായി റോഡില്‍ വീണതിന് ശേഷമാണ് ഇവരുടെ അടുത്തേക്ക് ആളുകളെത്തിയത്. യുവതിയെ ആക്രമിച്ച വ്യക്തിയെ പൊലീസ് തിരിച്ചറിഞ്ഞു. ദര്‍ഗയ്ക്ക് അടുത്ത ജ്വല്ലറി ഷോപ്പില്‍ ജോലി ചെയ്യുകയായിരുന്നു യുവതി. യുവതി ഇപ്പോള്‍ ആശുപത്രിയില്‍ ചികിത്സയിലാണെന്ന് പൊലീസ് അറിയിച്ചു.
ഓട്ടോറിക്ഷ ഡ്രൈവറായ ഇസ്മയില്‍(25)നെ പൊലീസ് അറസ്റ്റ് ചെയ്തു. ജ്വല്ലറിയിലേക്ക് പോവുന്ന വഴി റോഡില്‍ തടഞ്ഞു നിര്‍ത്തി ആക്രമിക്കുകയായിരുന്നു.
ഇരുവരും നേരത്തെ അടുപ്പത്തിലായിരുന്നു. അടുത്തിയെ യുവാവുമായി പിരിയുകയും യുവതി മറ്റൊരാളുമായി അടുപ്പത്തിലാവുകയും ചെയ്തിരുന്നു. ഇതായിരിക്കാം പ്രകോപനത്തിന് കാരണം എന്നാണ് സൂചന.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
