ശ്രീനഗർ: ജമ്മു കശ്മീരിൽ സിആർപിഎഫ് ജവാനെയും ആറു വയസുള്ള കുട്ടിയെയും കൊലപ്പെടുത്തിയ ഭീകരനെ സൈന്യം വധിച്ചു. സാഹിദ് ദാസ് എന്ന ഭീകരനെയാണ് സൈന്യം വധിച്ചത്. ശ്രീനഗറിൽ വ്യാഴാഴ്ച രാത്രി നടന്ന ഏറ്റുമുട്ടലിലാണ് ഇയാളെ കൊലപ്പെടുത്തിയത്.
അനന്ത്നാഗിൽ കഴിഞ്ഞ ആഴ്ച നടന്ന ഏറ്റുമുട്ടലിനിടെയാണ് സിആർപിഎഫ് ജവാനെയും ബാലനെയും സാഹിദ് ദാസ് വെടിവച്ച് കൊന്നത്. ഇയാൾ സംഭവസ്ഥലത്തുനിന്നും രക്ഷപ്പെട്ടു. ഇയാൾക്കുവേണ്ടി സൈന്യം വ്യാപക തിരച്ചിൽ നടത്തിവരികയായിരുന്നു.
ഇന്നലെ ശ്രീനഗറിലെ മാൽബാഗിൽ സിആർപിഎഫും സ്പെഷൽ ഓപ്പറേഷൻ ഗ്രൂപ്പും സംയുക്തമായി നടത്തിയ നീക്കത്തിലൂടെയാണ് സാഹിദ് ദാസിനെ വകവരുത്തിയത് എന്ന് കശ്മീർ പൊലീസ് ഐജി അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ