ബംഗളൂരു: കര്ണാടകയില് ഇന്ന് മാത്രം വിറ്റത് 165 കോടി രൂപയുടെ മദ്യം. കര്ണാടക സംസ്ഥാന എക്സൈസ് വകുപ്പാണ് കണക്കുകള് പുറത്തുവിട്ടത്.
33.49 ലക്ഷം ലിറ്റര് മദ്യമാണ് ഇന്ന് മാത്രം വിറ്റത്. 27.56 ലക്ഷം ലിറ്റര് ഇന്ത്യന് നിര്മിത വിദേശ മദ്യവും 5.93 ലക്ഷം ലിറ്റര് ബിയറുമാണ് വിറ്റഴിഞ്ഞത്. ഇന്ത്യന് നിര്മിത വിദേശ മദ്യം വിറ്റതിലൂടെ 152 കോടി രൂപയും ബിയര് വില്പ്പനയിലൂടെ 13 കോടി രൂപയുമാണ് ലഭിച്ചത്.
മെയ് നാല് മുതലാണ് കര്ണാടക മദ്യ ഷോപ്പുകള് തുറക്കാന് അനുമതി നല്കിയത്. കര്ശന നിയന്ത്രണങ്ങളോടെയാണ് വില്പ്പന. ആദ്യ ദിവസത്തില് തന്നെ 45 കോടി രൂപയുടെ വില്പ്പനടന്നിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ