ബംഗളൂരു: ബൈക്കിന്റെ മുന്നില്‍ ചാടിയ പാമ്പിനെ കടിച്ചുമുറിച്ച് കഷ്ണങ്ങളാക്കിയ മദ്യപനെ ഒടുവില്‍ വനപാലകര്‍ പൊക്കി. മദ്യ ലഹരിയില്‍ പാമ്പിനെ കടിച്ചുമുറിച്ച് കൊന്ന കുമാര്‍ (38) എന്നയാളാണ് അറസ്റ്റിലായത്. മുല്‍ബഗല്‍ ഫോറസ്റ്റ് അധികൃതരാണ് ഇയാളെ അറസ്റ്റ് ചെയ്ത് കേസെടുത്തത്.
കഴിഞ്ഞ ദിവസം കര്‍ണാടകയിലെ കോലാറിലാണ് കേസിനാസ്പദമായ സംഭവമുണ്ടായത്. മദ്യ ലഹരിയില്‍ ബൈക്കില്‍ വരുന്നതിനിടെയാണ് മുന്നിലകപ്പെട്ട പാമ്പിനെ ഇയാള്‍ കടിച്ചുമുറിച്ച് കൊന്നത്. 'എന്റെ വഴിതടയാന്‍ നിനക്കെങ്ങനെ ധൈര്യം വന്നു' എന്നാക്രോശിച്ചുകൊണ്ട് പാമ്പിനടുത്തേക്ക് പായുകയായിരുന്നു ഇയാള്‍. പിന്നീട് അതിനെ കഴുത്തിലിടുകയും മറ്റും ചെയ്ത ശേഷമാണ് ഇയാള്‍ പാമ്പിനെ കടിച്ചു കൊന്നത്.
ഇതിന്റെ വീഡിയോ ദൃശ്യങ്ങള്‍ സാമൂഹിക മാധ്യമങ്ങളില്‍ വലിയ തോതില്‍ പ്രചരിച്ചിരുന്നു. ഇതോടെയാണ് സംഭവം വാര്‍ത്തയായത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
