മുംബൈ: ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെ കൊല്ലുമെന്ന് ഭീഷണിപ്പെടുത്തിയ 25കാരനെ മുംബൈയില്‍ മഹാരാഷ്ട്ര ആന്റി ടെററിസ്റ്റ് സ്‌ക്വാഡ് അറസ്റ്റ് ചെയതു.
കമ്രാന്‍ ഖാന്‍ എന്ന ചുനാഭട്ടി സ്വദേശിയെയാണ് ശനിയാഴ്ച അറസ്റ്റ് ചെയ്തത്. യോഗി ആദിത്യാഥിനെ കൊല്ലുമെന്ന് ഭീഷണിപ്പെടുത്തി വെള്ളിയാഴ്ചയാണ് ഉത്തര്‍പ്രദേശ് പൊലീസ് ഹെല്‍പ്പ് ഡെസ്‌കിലേക്ക് കോള്‍ വന്നത്. ബോംബ് സ്‌ഫോടനം നടത്തി കൊല്ലുമെന്നായിരുന്നു ഭീഷണി.
തുടര്‍ന്നു നടന്ന അന്വേഷണത്തിലാണ് കമ്രാനെ പിടികൂടിയത്. മുംബൈയില്‍ നിന്നാണ് കോള്‍ ലഭിച്ചതെന്ന് വ്യക്തമായതോടെ മഹാരാഷ്ട്ര എടിഎസിന്റെ സഹായം ഉത്തര്‍പ്രദേശ് പൊലീസ് തേടുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
