മീററ്റ്: ശമ്പളം ലഭിക്കാത്തതിന്റെ മനോവിഷമത്തില്‍ ദിവസവേതനക്കാരന്‍ തീകൊളുത്തി ആത്മഹത്യക്ക് ശ്രമിച്ചു. ഉത്തര്‍പ്രദേശിലെ ബാതിപുരയിലാണ് സംഭവം നടന്നത്. ഗുരുതരമായി പൊള്ളലേറ്റ സോനു എന്നയാളെ ആശുപത്രിയില്‍ പ്രവേശിപ്പിച്ചു.
ഒരു കോള്‍ഡ് സ്‌റ്റോറേജില്‍ ജോലി ചെയ്യുന്ന സോനുവിന് ദിവസങ്ങളായി ശമ്പളം ലഭിക്കുന്നില്ലായിരുന്നു. നിരന്തരം ചോദിച്ചിട്ടും പണം നല്‍കാന്‍ മുതലാളി വിസ്സമ്മതിച്ചതിനെ തുടര്‍ന്നാണ് തിങ്കളാഴ്ച വൈകുന്നേരം അഞ്ചുമണിയോടെ കോള്‍ഡ് സ്‌റ്റോറേജിന് മുന്നില്‍വെച്ച് സോനു പെട്രോളൊഴിച്ച് സ്വയം തീകൊളുത്തിയത്.
സ്ഥലത്തുണ്ടായിരുന്ന തൊഴിലാളികള്‍ ചേര്‍ന്ന് തീയണച്ചെങ്കിലും സോനുവിന് ഗുരുതരമായി പൊള്ളലേറ്റിരുന്നു. സോനുവിന്റെ പരാതിയുടെ അടിസ്ഥാനത്തില്‍ കോള്‍ഡ് സ്‌റ്റോറേജ് ഉടമയ്ക്ക് എതിരെ പൊലീസ് കേസെടുത്തിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
