മുംബൈ: റിപ്പബ്ലിക് ടിവി എഡിറ്റർ ഇൻ ചീഫ് അർണബ് ഗോസ്വാമി നല്കിയ ഹർജി ബോംബെ ഹൈക്കോടതി ഇന്ന് പരിഗണിക്കും. ആത്മഹത്യാപ്രേരണ കേസ് റദ്ദ് ചെയ്യണമെന്ന് ആവശ്യപ്പെട്ട് നൽകിയ ഹർജിയാണ് കോടതി പരിഗണിക്കുന്നത്.
മഹാരാഷ്ട്ര സർക്കാരിൻറെയും ആത്മഹത്യ ചെയ്ത ഇൻറീരിയർ ഡിസൈനർ അൻവയ് നായിക്കിൻറെ കുടുംബത്തെിൻറെയും വാദം കോടതി ഇന്ന് കേൾക്കും. തത്കാലം ജാമ്യം അനുവദിക്കണം എന്ന അർണബിൻറെ ആവശ്യത്തിൽ ഇന്ന് ഉത്തരവിറക്കാമെന്ന് കോടതി ഇന്നലെ വ്യക്തമാക്കിയിരുന്നു.
കേസിൽ മജിസ്ട്രേറ്റിൻറെ ഉത്തരവില്ലാതെ പുനരന്വേഷണം പൊലീസ് തുടങ്ങിയത് നിയമവിരുദ്ധമെന്നാണ് അർണബിൻറെ അഭിഭാഷകർ വാദിച്ചത്. ജുഡീഷ്യൽ കസ്റ്റഡിയിലുള്ള അർണബ് ഗോസ്വാമിയെ അലിബാഗ് ജയിലിലെ കോവിഡ് കേന്ദ്രത്തിലാണ് പാർപ്പിച്ചിരിക്കുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ