അമൃതസര്: ഡ്രൈവര് ഓടിക്കൊണ്ടിരുന്ന കാറിനുള്ളില്വച്ച് ലൈംഗികമായി ഉപദ്രവിച്ചതിനെ തുടര്ന്ന് ടാക്സിയില് നിന്ന് രണ്ട് യുവതികള് ചാടി രക്ഷപ്പെട്ടു. ടാക്സിയില് ഉണ്ടായിരുന്ന മറ്റൊരു യുവതിയെ പ്രദേശവാസികള് വാഹനം പിന്തുടര്ന്നെത്തി രക്ഷപ്പെടുത്തി. പഞ്ചാബിലെ അമൃതസറിലാണ് സംഭവം.
സംഭവവുമായി ബന്ധപ്പെട്ട് ഡ്രൈവറെ പൊലീസ് അറസ്റ്റ് ചെയ്തു. കഴിഞ്ഞദിവസം വൈകുന്നേരം മൂന്നു യുവതികള് ചേര്ന്ന് റസ്റ്റേറന്റില് പോകുന്നതിനായി ഓണ്ലൈന് ടാക്സി വിളിക്കുകയായിരുന്നു. ടാക്സിയില് യാത്ര ചെയ്യാന് ആരംഭിച്ചതോടെ കൂട്ടത്തില് ഒരാളെ ഉപദ്രവിക്കാന് തുടങ്ങി. യുവതി അതിക്രമം തടഞ്ഞതോടെ വാഹനത്തിന്റെ സ്പീഡ് കൂട്ടി. തുടര്ന്ന് അവരും മറ്റൊരു യുവതിയും ചേര്ന്ന് വാഹനത്തില് നിന്ന് ചാടി രക്ഷപ്പെട്ടു.
കാറില് നിന്ന് യുവതി ചാടുന്നത് പ്രദേശവാസികള് കാണുകയും വാഹനത്തെ പിന്തുടരുകയുമായിരുന്നു. തുടര്ന്നാണ് കാറിലുണ്ടായിരുന്ന യുവതിയെ രക്ഷപ്പെടുത്തിയത്. സംഭവവസ്ഥലത്ത് നിന്ന് മുങ്ങിയ ടാക്സി െ്രെഡവറെ പൊലീസ് അറസ്റ്റ് ചെയ്യുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ