മുംബൈ: മഹാരാഷ്ട്ര പൊലീസില്‍ കോവിഡ് വ്യാപനം രൂക്ഷമാകുന്നു. 24 മണിക്കൂറിനിടെ 184 പൊലീസുകാര്‍ക്ക് കൂടി കോവിഡ് സ്ഥിരീകരിച്ചു. നാലുപേര്‍ കൂടി വൈറസ് ബാധയെ തുടര്‍ന്ന് മരിച്ചതായും മഹാരാഷ്ട്ര പൊലീസ് അറിയിച്ചു.
പുതിയ കേസുകള്‍ റിപ്പോര്‍ട്ട് ചെയ്തതോടെ, മഹാരാഷ്ട്ര പൊലീസിലെ മൊത്തം കോവിഡ് ബാധിതരുടെ എണ്ണം 19000 കടന്നു. 19074 പേര്‍ക്കാണ് ഇതുവരെ കോവിഡ് സ്ഥിരീകരിച്ചത്. ഇതില്‍ 3728 പേരാണ് ചികിത്സയില്‍ കഴിയുന്നത്.
ഇതുവരെ 15,156 പേര്‍ രോഗമുക്തി നേടി ആശുപത്രി വിട്ടു. വൈറസ് ബാധയെ തുടര്‍ന്ന് 190 പേര്‍ മരിച്ചതായും മഹാരാഷ്ട്ര പൊലീസ് അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
