ന്യൂഡൽഹി: കോവിഡ്-19ന്‍റെ പശ്ചാത്തലത്തില്‍ രാജ്യവ്യാപകമായി ലോക്ക്ഡൗൺ പ്രഖ്യാപിച്ചിരിക്കുന്ന സാഹചര്യത്തിൽ പ്രധാനമന്ത്രി നരേന്ദ്ര മോദി രാജ്യത്തെ ജനങ്ങള്‍ക്കായി വിഡിയോ സന്ദേശം പങ്കുവയ്ക്കും. ഇന്ന് രാവിലെ ഒൻപത് മണിക്ക് വിഡിയോ സന്ദേശം പങ്കുവയ്ക്കുമെന്നാണ് പ്രധാനമന്ത്രി ട്വിറ്ററിലൂടെ അറിയിച്ചത്. എന്നാൽ സന്ദേശത്തിലെ ഉള്ളടക്കത്തെക്കുറിച്ച് വെളിപ്പെ‌ടുത്തിയിട്ടില്ല.
ഏപ്രിൽ 14 വരെ പ്രഖ്യാപിച്ചിരിക്കുന്ന ലോക്ക്ഡൗൺ നീട്ടുമോ ഇല്ലയോ എന്നറിയാനാണ് രാജ്യം ഉറ്റുനോക്കുന്നത്. ലോക്ക്ഡൗൺ പിൻവലിച്ചാലും ചില നിയന്ത്രണങ്ങൾ തുടരുമെന്ന സൂചനയാണ് ഇന്നലെ മുഖ്യമന്ത്രിമാരുമായി നടത്തിയ വിഡിയോ കോൺഫറൻസിൽ പ്രധാനമന്ത്രി നൽകിയത്.
രാജ്യത്ത് കൊറോണ വൈറസ് റിപ്പോര്‍ട്ട് ചെയ്തതിന് ശേഷം രണ്ടുതവണ പ്രധാനമന്ത്രി രാജ്യത്തെ അഭിസംബോധന ചെയ്തിരുന്നു. കൊവിഡുമായി ബന്ധപ്പെട്ട് ജനത കർഫ്യൂ, ലോക്ക് ഡൗൺ പ്രഖ്യാപന വേളകളിലാണ് പ്രധാനമന്ത്രി നേരത്തെ രാജ്യത്തെ അഭിസംബോധന ചെയ്തത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
