റാഞ്ചി: റാഞ്ചി വിമാനത്താവളത്തിൽ ടേക്ക് ഓഫിനിടെ എയർ ഏഷ്യ വിമാനത്തിൽ പക്ഷിയിടിച്ചു. ഇതേ തുടർന്ന് മുംബയിലേക്ക് പുറപ്പെടേണ്ട എയർ ഏഷ്യയുടെ ഐ5-632 വിമാനം തിരിച്ചിറക്കി. നടപടിക്രമങ്ങൾക്ക് ശേഷം വിമാനം വീണ്ടും പറന്നുയരുമെന്ന് അധികൃതർ അറിയിച്ചു.
11.50ന് മുംബൈയിലേക്ക് പുറപ്പെടേണ്ട വിമാനമായിരുന്നു ഇത്. ഇതിനിടെയാണ് വിമാനത്തിൽ പക്ഷിയിടിച്ചത്. ഉടൻ തന്നെ പൈലറ്റ് ടേക്ക് ഓഫ് നിർത്തിവെച്ചതായി എയർഏഷ്യ വക്താവ് പറഞ്ഞു. യാത്രക്കാരും ജീവനക്കാരും സുരക്ഷിതരാണെന്ന് . കരിപ്പൂരിൽ എയർ ഇന്ത്യ എക്സ്പ്രസ് വിമാനം അപകടത്തിൽപ്പെട്ട് മണിക്കൂറുകൾ പിന്നിടുന്നതിനിടെയായിരുന്നു റാഞ്ചിയിലെ സംഭവം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ