ന്യൂഡല്ഹി: നിര്ഭയ കൂട്ട ബലാത്സംഗ കേസിലെ കുറ്റവാളികളെ മാര്ച്ച് 20ന് തൂക്കിലേറ്റാന് കോടതി മരണവാറണ്ട് പുറപ്പെടുവിച്ചു. നാലു പേരുടെയും വധശിക്ഷ രാവിലെ 5.30ന് നടപ്പാക്കണമെന്ന് ഡല്ഹി പ്ാട്യാല ഹൗസ് കോടതി നിര്ദേശിച്ചു.
നിര്ഭയ കേസില് വധശിക്ഷയ്ക്കു വിധിക്കപ്പെട്ട നാലുപേരുടെയും ദയാഹര്ജി രാഷ്ട്രപതി തള്ളിയിരുന്നു. ഈ സാഹചര്യത്തിലാണ് കോടതി മരണവാറണ്ട് പുറപ്പെടുവിച്ചത്. നേരത്തെ മൂന്നു തവണ വാറണ്ട് പുറപ്പെടുവിച്ചെങ്കിലും ഓരോരുത്തരായി ഹര്ജികളുമായി കോടതിയെയും ദയാഹര്ജിയുമായി രാഷ്ട്രപതിയെയും സമീപിച്ചതിനാല് നടപ്പാക്കാനായിരുന്നില്ല. കോടതിയില് ഹര്ജിയോ ദയാഹര്ജിയോ പരിഗണനയിലുണ്ടെങ്കില് വധശിക്ഷ നടപ്പാക്കരുതെന്നാണ് ചട്ടം.
പവന് ഗുപ്തയാണ് അവസാനമായി രാഷ്ട്രപതിക്കു ദയാഹര്ജി നല്കിയത് ഇത് ഇന്നലെ രാഷ്ട്രപതി തള്ളി. തിരുത്തല് ഹര്ജി സുപ്രീം കോടതി തള്ളിയതിനു പിന്നാലെയാണ് പവന് ഗുപ്ത രാഷ്ട്രപതിക്കു ദയാഹര്ജി നല്കിയത്. മറ്റു പ്രതികളായ മുകേഷ് സിങ്, അക്ഷയ് താക്കൂര്, വിനയ് ശര്മ എന്നിവരുടെ ദയാഹര്ജി നേരത്തെ തള്ളിയിരുന്നു.
ശിക്ഷിക്കപ്പെട്ട നാലുപേരില് പവന് ഗുപ്ത ഒഴികെയുള്ളവര് നിയമപരമായ എല്ലാ സാധ്യതകളും ഉപയോഗിച്ചു കഴിഞ്ഞു. ദയാഹര്ജി തള്ളിയതിനെതിരെ സുപ്രീം കോടതിയെ സമീപിക്കാം എന്നതാണ് ഇനി പവന് ഗുപ്തയ്ക്കു മുന്നിലുള്ള ഏക മാര്ഗം. എന്നാല് ഇത്തരം ഹര്ജി സുപ്രീം കോടതി അനുവദിക്കാന് സാധ്യത വിരളമാമ്. ജയില് ചട്ടങ്ങള് അനുസരിച്ച് സാധ്യതമായ എല്ലാ നിയമപരിഹാരവും തേടിയ ശേഷമേ വധശിക്ഷ നടപ്പാക്കാനാവു.
2012 ഡിസംബര് 23നാണ് രാജ്യത്തെ ഞെട്ടിച്ച നിര്ഭയ സംഭവം നടന്നത്. സുഹൃത്തിനോടൊപ്പം വണ്ടിയില് കയറിയ പാരാമെഡിക്കല് വിദ്യാര്ഥിനിയെ നാലു പേര് ചേര്ന്നു ക്രൂരമായി ബലാത്സംഗം ചെയ്തു വലിച്ചെറിയുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ