ലഖ്നൗ : പ്രധാനമന്ത്രി നരേന്ദ്ര മോദിയെ ആക്ഷേപിച്ച് സമൂഹമാധ്യമത്തിൽ വിഡിയോ പോസ്റ്റ് ചെയ്ത യുവാവിനെ പൊലീസ് അറസ്റ്റ് ചെയ്തു. ബുലന്ദ്ശഹർ സ്വദേശിയായ 31കാരൻ സലീം ഖാനാണ് അറസ്റ്റിലായത്. സൈബർ സെല്ലിൽ പരാതി ലഭിച്ചതിന് പിന്നാലെയാണ് യുവാവിനെ അറസ്റ്റ് ചെയ്തത്.
പ്രധാനമന്ത്രിയെ വിമർശിച്ചും ആക്ഷേപങ്ങൾ നിരത്തിയുമാണ് സലീം ഖാന്റെ വിഡിയോ. ട്വിറ്ററിലാണ് വിഡിയോ പങ്കുവച്ചിരിക്കുന്നത്. നിരവധി ആളുകൾ ഇതേക്കുറിച്ച് പരാതിപ്പെട്ടതിന് പിന്നാലെയാണ് യുവാവിനെ അറസ്റ്റ് ചെയ്തതെന്ന് കോട്ട്വാലി പൊലീസ് പറഞ്ഞു. പ്രദേശവാസിയായ ഇയാൾ മികച്ച വിദ്യാഭ്യാസം നേടിയിട്ടുണ്ടെന്നും എന്നാൽ പ്രതിയുടെ ജോലി സംബന്ധിച്ച് വ്യക്തത ഇല്ലെന്നും പൊലീസ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
