ന്യൂഡല്‍ഹി:ശത്രുവിന്റെ നിരീക്ഷണ സംവിധാനങ്ങളെ തകര്‍ക്കാന്‍ ശേഷിയുളള പുതിയ തലമുറ ആന്റി റേഡിയേഷന്‍ മിസൈല്‍ വിജയകരമായി പരീക്ഷിച്ചു. രാജ്യത്തെ പ്രമുഖ പൊതുമേഖല പ്രതിരോധ ഗവേഷണ സ്ഥാപനമായ ഡിആര്‍ഡിഒ വികസിപ്പിച്ച രുദ്രം- ഒന്ന് ഭാവില്‍ വ്യോമസേനയുടെ ഭാഗമാകും.
ഒഡീഷ ബാലസോറിലെ സംയോജിത മിസൈല്‍ പരീക്ഷണ കേന്ദ്രത്തിലാണ് മിസൈല്‍ പരീക്ഷണം നടന്നത്. സുഖോയ് യുദ്ധവിമാനത്തില്‍ നിന്നാണ് മിസൈല്‍ തൊടുത്തത്. വ്യോമസേയുടെ സൈനിക ശേഷി ഉയര്‍ത്താന്‍ ഇത് സഹായകരമാകുമെന്നാണ് വിലയിരുത്തല്‍.
എസ്‌യു-30 എംകെഐ യുദ്ധവിമാനത്തില്‍ നിന്നാണ് ഇത് പരീക്ഷിച്ചത്. ജെറ്റ് എന്‍ജിനുകളുടെ ചൂട് ട്രാക്ക് ചെയ്ത് ശത്രുവിമാനങ്ങള്‍ തിരിച്ചറിയാന്‍ സഹായിക്കുന്ന 'പാസിവ് ഹോമിങ് ഹെഡാണ്' ഇതില്‍ ഘടിപ്പിച്ചിരിക്കുന്നത്.ഇതിലൂടെ വൃത്യസ്ത ആവൃത്തിയില്‍ വികിരണം പുറപ്പെടുവിക്കുന്ന നിരീക്ഷണ സംവിധാനങ്ങളെ തകര്‍ക്കാന്‍ മിസൈലിന് സാധിക്കും.ശത്രുവിന്റെ നിരീക്ഷണ റഡാറുകള്‍, കമ്മ്യൂണിക്കേഷന്‍ ടവറുകള്‍, കണ്‍ട്രോള്‍ സെന്ററുകള്‍ എന്നിവ ലക്ഷ്യമിട്ടാണ് ഈ മിസൈല്‍ ഡിആര്‍ഡിഒ വികസിപ്പിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
