ബംഗളൂരു: കര്‍ണാടകയില്‍ പ്രമുഖ ക്ഷേത്രത്തിലെ മോഷണശ്രമത്തിനിടെ, മൂന്ന് പൂജാരിമാരെ കവര്‍ച്ചാസംഘം കൊലപ്പെടുത്തി. രാത്രിയില്‍ ക്ഷേത്രത്തില്‍ ഉറങ്ങുകയായിരുന്ന പൂജാരിമാരെയാണ് കല്ല് കൊണ്ട് ഇടിച്ച് കൊന്നത്. ഭണ്ഡാരം തകര്‍ത്ത് പണം കവര്‍ന്നതായി പൊലീസ് പറയുന്നു.
കര്‍ണാടക മാണ്ഡ്യ ജില്ലയില്‍ അരകേശ്വര ക്ഷേത്രത്തിലാണ് കവര്‍ച്ചയും കൊലപാതകവും നടന്നത്. വ്യാഴാഴ്ച രാത്രിയിലാണ് സംഭവം. കവര്‍ച്ചാ ശ്രമത്തിനിടെ ക്ഷേത്രത്തില്‍ ഉറങ്ങുകയായിരുന്ന മൂന്ന് പൂജാരിമാരെ അതിദാരുണമായി കൊലപ്പെടുത്തുകയായിരുന്നു. പ്രതികളെ ഇതുവരെ പിടികൂടിയിട്ടില്ല.
ഭണ്ഡാരത്തിലെ നോട്ടുകളാണ് സംഘം കവര്‍ന്നത്. പൂജാരിമാര്‍ പതിവായി ക്ഷേത്രത്തിലാണ് ഉറങ്ങുന്നത്.പൂജാരിമാരുടെ മരണത്തില്‍ മുഖ്യമന്ത്രി ബി എസ് യെഡിയൂരപ്പ അനുശോചനം രേഖപ്പെടുത്തി. മരിച്ചവരുടെ കുടുംബാംഗങ്ങള്‍ക്ക് അഞ്ചു ലക്ഷം രൂപ വീതം നഷ്ടപരിഹാരം പ്രഖ്യാപിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
