ഗുവാഹത്തി: സ്വന്തം മൂത്രം വെള്ളത്തിൽ ചേർത്ത് പാനിപുരി നിർമിക്കുന്ന വഴിയോരക്കച്ചവടക്കാരന്റെ ഞെട്ടിക്കുന്ന വീഡിയോ. ഇതിന്റെ ദൃശ്യങ്ങൾ വൈറലായതോടെ വ്യാപക പ്രതിഷേധമാണ് ഉയരുന്നത്. പിന്നാലെ ഇയാളെ പൊലീസ് അറസ്റ്റ് ചെയ്തു.
പ്ലാസ്റ്റിക് കപ്പിൽ മൂത്രമൊഴിച്ച ശേഷം അതേ കപ്പു കൊണ്ടു തന്നെ പാനിപുരി നിർമിക്കുകയാണ് കച്ചവടക്കാരൻ ചെയ്യുന്നത്. അസമിലെ ഗുവാഹത്തിയിലാണു സംഭവം. മൂത്രമൊഴിച്ച ശേഷം കപ്പ് വെള്ളത്തിൽ കഴുകി അത് പിന്നീട് പാനിപുരി നിർമാണത്തിന് ഉപയോഗിക്കുന്നതാണ് വീഡിയോ. ഈ കപ്പ് ഉപയോഗിച്ചു കഴുകിയ വെള്ളം തന്നെയാണു ഭക്ഷണം ഉണ്ടാക്കാനും ഉപയോഗിക്കുന്നത്.
മൊബൈലിൽ ആരോ പകർത്തി പങ്കുവച്ച വീഡിയോ വലിയ പ്രതിഷേധമാണ് ഉയർത്തിയത്. ഇതിനു പിന്നാലെയാണ് പൊലീസ് നടപടി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
