ചെന്നൈ: തമിഴിലെ പേരുകേട്ട ടിവി പരിപാടിയാണ് 'സൊല്‍വതെല്ലാം ഉണ്‍മൈ'. കുടുംബ പ്രശ്‌നങ്ങള്‍ കൈകാര്യം ചെയ്യുന്ന പരിപാടി ആയതിനാല്‍ പെട്ടെന്നാണ് ഇതിന് ജനപ്രീതി ലഭിച്ചത്. ഈ പരിപാടിയില്‍ പങ്കെടുത്ത താരമായ ചെങ്കല്‍പേട്ട് സ്വദേശി അന്നപൂര്‍ണി പുതിയ 'ദേവിയായി' പ്രത്യക്ഷപ്പെട്ടു.
പീഠത്തില്‍ ഉപവിഷ്ഠയായ അന്നപൂര്‍ണിയുടെ കാല്‍ക്കല്‍വീണ് അനുയായികള്‍ പൊട്ടിക്കരയുന്നതും 'ദേവി' അനുഗ്രഹം നല്‍കുന്നതുമായ ദൃശ്യങ്ങളാണ് പുറത്തുവന്നത്. ടിവി പരിപാടിയിലൂടെ നേടിയ പ്രസിദ്ധി വച്ച് ആളുകളെ പറ്റിക്കുകയാണ് അന്നപൂര്‍ണിയെന്ന തരത്തില്‍ സമൂഹമാധ്യമങ്ങളിലടക്കം വ്യാപകമായ വിമര്‍ശനമാണ് ഉയരുന്നത്.
ഇതോടെ ആള്‍ദൈവം മുങ്ങി. കൂടാതെ പുതുവത്സര ദിനത്തില്‍ ചെങ്കല്‍പേട്ട് നടത്താന്‍ നിശ്ചയിച്ചിരുന്ന ദിവ്യ ദര്‍ശന്‍ പരിപാടി റദ്ദാക്കുകയും ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
