മുംബൈ: കോവിഡ് വ്യാപനം രൂക്ഷമായ സാഹചര്യത്തിൽ മുംബൈ നിവാസികൾക്ക് മുന്നറിയിപ്പുമായി മേയർ. കോവിഡ് മാർഗനിർദേശങ്ങൾ പാലിക്കാൻ തയാറല്ലെങ്കിൽ അടുത്ത ലോക്ക്ഡൗണിനു ഒരുങ്ങാനാണ് മേയർ കിഷോരി പെദ്നേക്കർ നൽകിയ മുന്നറിയിപ്പ്. കോവിഡ് വർധിക്കുകയാണെങ്കിൽ ലോക്ക്ഡൗൺ ചുമത്തേണ്ടിവരുമെന്നാണ് കിഷോരി അറിയിച്ചത്.
ലോക്ക്ഡൗൺ ഒഴിവാക്കണമെങ്കിൽ മാർഗനിർദേശങ്ങൾ കർശനമായി പാലിക്കണമെന്ന് അവർ പറഞ്ഞു. ജനങ്ങൾ ലാഘവത്തോടെയാണ് പെരുമാറുന്നതെങ്കിൽ ലോക്ക്ഡൗൺ ചുമത്തേണ്ടിവരും. ഇത് ഒഴിവാക്കാൻ നിയമങ്ങൾ കർശനമായി പാലിക്കണമെന്ന് കിഷോരി ആവശ്യപ്പെട്ടു.
മുംബൈയിലെ കോവിഡ് സ്ഥിതി വീണ്ടും രൂക്ഷമാകുന്ന സാഹചര്യത്തിലാണ് അധികൃതർ മുന്നറിയിപ്പുമായി എത്തുന്നത്. വൈറസ് വ്യാപനം നിയന്ത്രിക്കാൻ ആവശ്യമായതെല്ലാം മുംബൈ കോർപ്പറേഷൻ സ്വീകരിക്കുന്നുണ്ടെന്നും മേയർ പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ