ന്യൂഡല്ഹി : ഉത്തരേന്ത്യയില് കനത്ത മഴ തുടരുന്നു. ഡല്ഹി, ഹരിയാന, ജമ്മു കശ്മീര്, മഹാരാഷ്ട്ര, ഉത്തര്പ്രദേശ്, ഗുജറാത്ത്, പഞ്ചാബ്, രാജസ്ഥാന്, മധ്യപ്രദേശ് സംസ്ഥാനങ്ങളിലെല്ലാം അതിശക്തമായ മഴയാണ് തുടരുന്നത്. ഇതേത്തുടര്ന്ന് ഇവിടങ്ങളിലെ താഴ്ന്ന പ്രദേശങ്ങളെല്ലാം വെള്ളത്തിനടിയിലായി. റോഡുകളില് വെള്ളം ഉയര്ന്നതോടെ ഗതാഗതവും സ്തംഭിച്ചിരിക്കുകയാണ്.
കനത്ത മഴയെത്തുടര്ന്നുണ്ടായ വെള്ളപ്പൊക്കത്തില് ഹരിയാനയിലെ ഗുരുഗ്രാമില് വാഹനങ്ങള് വെള്ളത്തിലായി. ഉത്തരേന്ത്യയില് കനത്ത മഴയിലും വെള്ളപ്പൊക്കത്തിലും വ്യാപക കൃഷിനാശമാണ് ഉണ്ടായിട്ടുള്ളത്. അടുത്ത ആറ് ഏഴു ദിവസം കൂടി തെക്കുപടിഞ്ഞാറന് കാലവര്ഷം അതിശക്തമായി തുടരുമെന്നാണ് കാലാവസ്ഥ വകുപ്പ് മുന്നറിയിപ്പ് പുറപ്പെടുവിച്ചിട്ടുള്ളത്.
ഗുജറാത്ത്, മധ്യപ്രദേശ്, രാജസ്ഥാന് സംസ്ഥാനങ്ങളില് 24 മണിക്കൂറിനിടെ കനത്ത മഴയും ഇടിമിന്നലും ഉണ്ടാകുമെന്നാണ് മുന്നറിയിപ്പ്. ഗോവ, കര്ണാടക, മഹാരാഷ്ട്ര കൊങ്കണ് മേഖലകളിലും അതിശക്തമായ മഴയുണ്ടാകുമെന്നും കാലാവസ്ഥ വകുപ്പ് പറയുന്നു. ഉത്തരാഖണ്ഡിലുണ്ടായ മേഘവിസ്ഫോടനത്തില് മൂന്നു പേര് മരിക്കുകയും നാലുപേരെ കാണാതാകുകയും ചെയ്തിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ