ഭോപ്പാല് : കോവിഡിന്റെ പുതിയ വകഭേദമായ ഡെല്റ്റ പ്ലസ് ബാധിച്ചുള്ള ആദ്യ മരണം മധ്യപ്രദേശില്. മധ്യപ്രദേശിലെ ഉജ്ജ്വയിനില് ചികില്സയിലിരുന്ന സ്ത്രീയാണ് ഡെല്റ്റപ്ലസ് വൈറസ് ബാധയെത്തുടര്ന്ന് മരിച്ചത്.
ജീനോ സീക്വന്സിങ്ങിലൂടെയാണ് ഡെല്റ്റ പ്ലസ് വകഭേദമാണെന്ന് കണ്ടെത്തിയതെന്ന് ഉജ്ജ്വയ്ന് കോവിഡ് നോഡല് ഓഫീസര് ഡോ. റൗനാക് പറഞ്ഞു. സ്ത്രീയുടെ ഭര്ത്താവിനും കോവിഡ് പോസിറ്റീവ് ആയിരുന്നു.
ഇയാള് രണ്ട് ഡോസ് വാക്സിനും സ്വീകരിച്ചിരുന്നയാളാണെന്നും ഡോക്ടര് പറഞ്ഞു. മധ്യപ്രദേശില് അഞ്ചുപേര്ക്കാണ് കോവിഡ് ഡെല്റ്റാപ്ലസ് വൈറസ് ബാധ സ്ഥിരീകരിച്ചിട്ടുള്ളത്. മധ്യപ്രദേശിന് പുറമെ, മഹാരാഷ്ട്ര, കേരളം എന്നീ സംസ്ഥാനങ്ങളിലാണ് ഡെല്റ്റ പ്ലസ് വൈറസ് ബാധ കണ്ടെത്തിയിട്ടുള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ