കൊൽക്കത്ത: പ്രമുഖ നടിയും തൃണമൂൽ കോൺഗ്രസ് എംഎൽഎയുമായ ദേബശ്രീ റോയ് പാർട്ടി വിട്ടു. രണ്ട് തവണ എംഎൽഎ ആയ ദേബശ്രീക്ക് ഇത്തവണ സീറ്റ് നൽകാത്തതിനാലാണ് പാർട്ടി വിട്ടതെന്നാണ് റിപ്പോർട്ടുകൾ. തൃണമൂൽ കോൺഗ്രസുമായി ഇനി പ്രവർത്തിക്കാൻ ആഗ്രഹിക്കുന്നില്ലെന്ന് 59 കാരിയായ ദേബശ്രീ റോയ് പാർട്ടിക്ക് അയച്ച കത്തിൽ പറഞ്ഞു.
2019മുതൽ പാർട്ടിയിൽ നിന്ന് പിന്മാറാനുള്ള തീരുമാനത്തിലായിരുന്നു അവർ. പാർട്ടിയുടെ ബംഗാൾ മേധാവി സുബ്രതാ ബക്ഷിക്കാണ് ദേബശ്രീ കത്തയച്ചത്. "പാർട്ടിയിൽ ഞാൻ ഒരു പദവിയും വഹിക്കുന്നില്ലെങ്കിലും, ടിഎംസിയുമായി ഇനി പ്രവർത്തിക്കാൻ ഞാൻ ആഗ്രഹിക്കുന്നില്ലെന്ന് നേതൃത്വത്തെ അറിയിക്കേണ്ടതിനാൽ ഈ കത്ത് എഴുതേണ്ടത് ആവശ്യമാണെന്ന് എനിക്ക് തോന്നി", അവർ കത്തിൽ പറഞ്ഞു.
ഇനി അഭിനയത്തിൽ ശ്രദ്ധിക്കുമെന്നും യോജിച്ച നിർദേശം വന്നാൽ ഏതു പാർട്ടിയിലും ചേരാൻ തയ്യാറാണെന്നും ദേബശ്രീ വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ