ചിറ്റൂര്‍: പെണ്‍കുട്ടിയോട് ചുംബനം ആവശ്യപ്പെട്ട യുവാവിനെ ഹോട്ടല്‍മുറിയില്‍ വിളിച്ചുവരുത്തി ക്രൂരമര്‍ദനം. പെണ്‍കുട്ടിയുടെ സഹോദരനും കൂട്ടുകാരും ചേര്‍ന്ന് യുവാവിനെ അക്രമിക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ പുറത്തുവന്നു. ആന്ധ്രപ്രദേശിലെ ചിറ്റൂരിലാണ് സംഭവം.
സുഹൃത്തിനെ വിളിച്ചപ്പോള്‍ നമ്പര്‍ മാറി യുവാവിന് കിട്ടിയത് പ്രദേശത്തെ ഒരു പെണ്‍കുട്ടിയെയാണ്. തുടര്‍ന്ന് യുവാവ് പെണ്‍കുട്ടിയെ ഫോണ്‍ വിളിക്കല്‍ പതിവാക്കി. ശല്യം ചെയ്യരുതെന്ന് പെണ്‍കുട്ടി പലതവണ മുന്നറിയിപ്പ് നല്‍കിയെങ്കിലും യുവാവ് ചെയ്യുന്നത് തുടര്‍ന്നു. ഒരു ചുംബനമെങ്കിലും നല്‍കാതെ പിന്തിരിയില്ലെന്ന് യുവാവ് വാശി പിടിച്ചതോടെ നഗരത്തിലെ ഹോട്ടല്‍ മുറിയില്‍ കണ്ടുമുട്ടാമെന്ന് പെണ്‍കുട്ടി അറിയിച്ചുയ
ഇത് പ്രകാരം യുവാവ് ഹോട്ടലില്‍ എത്തി. പെണ്‍കുട്ടിയുട സഹോദരനും കൂട്ടുകാരും ചേര്‍ന്നാണ് യുവാവിനെ ആക്രമിച്ചത്. യുവാവിന്റെ പരാതിയുടെ അടിസ്ഥാനത്തില്‍ പെണ്‍കുട്ടിയുടെ സഹോദരനും അഞ്ചു കൂട്ടുകാരും അറസ്റ്റിലായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
