മുംബൈ: നാര്‍ക്കോട്ടിക്‌സ് കണ്‍ട്രോള്‍ ബ്യൂറോ (എന്‍സിബി) സോണല്‍ ഡയറക്ടര്‍ സമീര്‍ വാംഖഡെ അനധികൃത മാര്‍ഗത്തിലൂടെ കോടികള്‍ സമ്പാദിച്ചിട്ടുണ്ടെന്ന് മഹാരാഷ്ട്രാ മന്ത്രിയും എന്‍സിപി നേതാവുമായ നവാബ് മാലിക്. സത്യസന്ധനായ ഒരു ഉദ്യോഗസ്ഥന് കഴിയാത്ത വിധത്തില്‍ അത്യാഢംബരത്തിലാണ് വാംഖഡെയുടെ ജീവിതമെന്ന് മാലിക് ആരോപിച്ചു.
വാംഖഡെ ധരിക്കുന്ന പാന്റ്‌സിന് ലക്ഷം രൂപ വിലയുണ്ട്. എഴുപതിനായിരം രൂപയുടെ ഷര്‍ട്ടാണ് ഇടുന്നത്. വാച്ചിന് അന്‍പതു ലക്ഷം രൂപ വരെ വിലയുണ്ട്- മാലിക് പറഞ്ഞു. സത്യസന്ധനായ ഒരു ഉദ്യോഗസ്ഥന് എങ്ങനെയാണ് ഇത്തരത്തില്‍ ആഢംബര ജീവിതം നയിക്കാനാവുകയെന്ന് മാലിക് ചോദിച്ചു.
ആളുകളെ തെറ്റായി കേസില്‍ പെടുത്തി കോടികള്‍ വാങ്ങിയെടുക്കുകയാണ് വാംഖഡെ ചെയ്യുന്നത്. ഇതു ചെയ്യാനായി വാംഖഡെയ്ക്ക് സ്വ്കാര്യ സംഘം തന്നെയുണ്ടെന്ന മാലിക് ആരോപിച്ചു.
തനിക്ക് അധോലോകവുമായി ബന്ധമുണ്ടെന്ന് ആരോപണം ഉന്നയിച്ച മുന്‍ മുഖ്യമന്ത്രി ദേവേന്ദ്ര ഫഡ്‌നാവിസ് എന്തുകൊണ്ടാണ് അന്വേഷണം നടത്താതിരുന്നതെന്ന് മാലിക് ചോദിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
