സ്കൂള് ബസ് കിട്ടിയില്ല; മനോവിഷമത്തില് ഒന്പതാം ക്ലാസ് വിദ്യാര്ഥി തൂങ്ങിമരിച്ചു
ഭോപാല്: സ്കൂള് ബസ് കിട്ടാത്തതിന്റെ മനോവിഷമത്തില് ഒന്പതാം ക്ലാസ് വിദ്യാര്ഥി ജീവനൊടുക്കി. മധ്യപ്രദേശിലാണ് സംഭവം.
തിങ്കളാഴ്ച രാവിലെ സ്കൂളിലേക്കു പോവുന്നതിന് വീട്ടില്നിന്ന് ഇറങ്ങിയെങ്കിലും കുട്ടിക്കു സ്കൂള് ബസ് കിട്ടിയില്ല. തുടര്ന്നു കരഞ്ഞുകൊണ്ടു കുട്ടി വീട്ടിലേക്കു മടങ്ങുന്നതു കണ്ടുവെന്ന് ദൃക്സാക്ഷികള് പറഞ്ഞു. കുറച്ചു സമയത്തിനു ശേഷം കുട്ടിയെ സമീപത്തെ മാവില് തൂങ്ങി മരിച്ച നിലയില് കണ്ടെത്തുകയായിരുന്നു.
കുട്ടി പഠനത്തില് മിടുക്കന് ആയിരുന്നെന്ന് വീട്ടുകാര് പറഞ്ഞു. കൃത്യ സമയത്ത് സ്കൂളില് പോവുന്നതില് നിര്ബന്ധക്കാരനായിരുന്നു. സ്കൂള് ബസ് കിട്ടാതായതില് കുട്ടിക്കു വിഷമം ഉണ്ടായിരുന്നതായും വീട്ടുകാര് പറഞ്ഞു.
യൂണിഫോം ധരിച്ചാണ് കുട്ടി ജീവനൊടുക്കിയത്. മേല്നടപടികള് സ്വീകരിച്ചുവരുന്നതായി പൊലീസ് അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ