വീടിന്റെ മുന്നില് കളിച്ചുകൊണ്ടിരുന്ന ഏഴു വയസുകാരിയെ പുലി പിടിച്ചു, രക്ഷകരായി നാട്ടുകാര്; ഗുരുതരാവസ്ഥയില്
ലക്നൗ: ഉത്തര്പ്രദേശില് പുലിയുടെ ആക്രമണത്തില് പരിക്കേറ്റ ഏഴു വയസുകാരി ഗുരുതരാവസ്ഥയില്. പുലിയുടെ ആക്രമണത്തില് ഒരുപാട് രക്തം നഷ്ടപ്പെട്ട പെണ്കുട്ടി ആശുപത്രിയില് ചികിത്സയില് കഴിയുകയാണ്.
ബറേലിയില് പിലിബിത്ത് കടുവാ സംരക്ഷണ കേന്ദ്രത്തിന് സമീപമാണ് സംഭവം. കുട്ടി വീടിന് മുന്നില് കളിച്ചുകൊണ്ടിരിക്കുമ്പോഴാണ് പുലി ആക്രമിച്ചത്. കുട്ടിയുടെ കരച്ചില് കേട്ട് ഓടിയെത്തിയ മാതാപിതാക്കള് ഏഴു വയസുകാരിയെ പുലി ആക്രമിക്കുന്നതാണ് കണ്ടത്. ശബ്ദം കേട്ട് ഓടിയെത്തിയ നാട്ടുകാര് വടി ഉപയോഗിച്ച് പുലിയെ അകറ്റുകയായിരുന്നു.
ഗുരുതരമായി പരിക്കേറ്റ പെണ്കുട്ടിയെ ഉടന് തന്നെ സാമൂഹികാരോഗ്യകേന്ദ്രത്തില് എത്തിച്ചു. വിദഗ്ധ ചികിത്സയ്ക്കായി പെണ്കുട്ടിയെ ആദ്യം ജില്ലാ ആശുപത്രിയിലും പിന്നീട് സ്വകാര്യ ആശുപത്രിയിലും എത്തിച്ചു.പുലിയുടെ ആക്രമണത്തില് ഒരുപാട് രക്തം നഷ്ടപ്പെട്ടതാണ് കുട്ടിയുടെ നില ഗുരുതരമാകാന് കാരണമെന്ന് ഡോക്ടര് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ