ന്യൂഡല്ഹി: 14 വര്ഷങ്ങള്ക്ക് ശേഷം രാജ്യത്ത് തീപ്പെട്ടി വില വര്ധിപ്പിക്കാന് തീരുമാനം. ഒരു രൂപയായിരുന്ന തീപ്പെട്ടി വില ഡിസംബര് ഒന്ന് മുതല് രണ്ട് രൂപയാക്കി ഉയര്ത്താനാണ് തീരുമാനിച്ചത്. അസംസ്കൃത വസ്തുക്കളുടെ വിലവര്ധനയാണ് തീപ്പെട്ടി വില കൂട്ടാൻ കാരണമെന്ന് നിര്മാതാക്കള് പറയുന്നു.
ഒരു രൂപയാക്കിയത് 2007ൽ
നേരത്തെ 50 പൈസയായിരുന്ന വില 2007ലാണ് ഒരു രൂപയാക്കി വര്ധിപ്പിച്ചത്. 1995-ലാണ് വില 25 പൈസയില്നിന്ന് 50 പൈസയാക്കിയത്. തീപ്പെട്ടി നിര്മ്മിക്കാനാവശ്യമായ 14 അസംസ്കൃത വസ്തുക്കള്ക്കും വില വര്ധിച്ചിട്ടുണ്ട്. ശിവകാശിയിൽ നടന്ന 'ഓൾ ഇന്ത്യ ചേംബർ ഓഫ് മാച്ചസ്' യോഗത്തിൽ എല്ലാ തീപ്പെട്ടി നിര്മാണ കമ്പനികളും സംയുക്തമായാണ് തീരുമാനമെടുത്തത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ