ബംഗളൂരു: മകൻ ആത്മഹത്യ ചെയ്ത വിവരം അറിഞ്ഞ് മനോനില തെറ്റി റോഡിലൂടെ ഓടിയ അമ്മ കാറിടിച്ചു മരിച്ചു. മാരെനഹള്ളി നിവാസി ലോകേഷിന്റെ ഭാര്യ ലീലാവതി (39), മകൻ മോഹൻ ഗൗഡ(19) എന്നിവരാണു മണിക്കൂറുകളുടെ മാത്രം ഇടവേളയിൽ മരിച്ചത്.
സുഹൃത്തുക്കളുടെ ബൈക്ക് മോഹൻ എടുത്തതിനെ ചൊല്ലി അമ്മയും മകനും തമ്മിൽ വഴക്കുണ്ടായി. ഇതിൽ ഇടപെട്ട ലോകേഷ് മകനെ അമ്മയുമായി വഴക്കിടുന്നതിൽ നിന്ന് പിന്തിരിപ്പിച്ചു. തുടർന്നു വീടിനുള്ളിൽ കയറി മുറിയടച്ച മോഹനെ തൂങ്ങിയ നിലയിലാണ് പിന്നെ കണ്ടെത്തിയത്.
പട്രോളിങ് നടത്തുകയായിരുന്ന പൊലീസിന്റെ സഹായത്തോടെ ഉടനെ തന്നെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ബന്ധുക്കൾക്കൊപ്പം ആശുപത്രിയിലെത്തിയ ലീലാവതി മകൻ മരിച്ചതറിഞ്ഞു മനോനില തെറ്റി റോഡിലൂടെ ഓടുമ്പോഴാണ് വാഹനമിടിച്ച് അപകടമുണ്ടായത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ