ലഖ്‌നൗ: ഗര്‍ഭിണിയായ യുവതിയെയും അഞ്ച് വയസുള്ള കുഞ്ഞിനെയും തെരുവ് നായ കടിച്ചുകീറി. ഗുരുതരമായി പരിക്കേറ്റ യുവതിയും കുഞ്ഞും ആശുപത്രിയില്‍ ചികിത്സയിലാണ്. ഉത്തര്‍പ്രദേശിലെ ബര്‍ഹ ഗ്രാമത്തിലാണ് സംഭവം.
സീമ എന്ന യുവതിക്കാണ് നായ്ക്കളുടെ ആക്രമണത്തില്‍ പരിക്കേറ്റത്. അവര്‍ അടുക്കളയില്‍ പാചകം ചെയ്യുന്നതിനിടെ പുറത്ത് കളിക്കുന്ന കുട്ടികളുടെ നിലവിളികേട്ടാണ് ഓടിയെത്തിയത്. തന്റെ മൂന്ന് മക്കളെ ആറ് നായ്ക്കള്‍ ചേര്‍ന്ന് കടിച്ചുകീറുന്നതാണ് ഓടിയെത്തിയ യുവതി കണ്ടത്. അതിനിടെ അഞ്ചുവയസുകാരിയായ മകള്‍ പല്ലവിയെ നായകള്‍ കടിച്ചുവലിച്ചുകൊണ്ടുപോകുകയായിരുന്നു. എന്നാല്‍ സീമ ഒറ്റയ്ക്ക് നായ്‌ക്കോളോട് പോരാടി കുട്ടികളെ രക്ഷപ്പെടുത്തി. അതിനിടെ സീമയ്ക്കും പരിക്കേറ്റു
മൂന്ന് കുട്ടികള്‍ക്കും നായയുടെ ആക്രമണത്തില്‍ പരിക്കേറ്റെങ്കിലും സീമയുടെയും പല്ലവിയുടെ നില ഗുരുതരമാണെന്ന് ഡോക്ടര്‍മാര്‍ പറഞ്ഞു പല്ലവിയുടെ തലയില്‍ നിന്നും കൈകളില്‍ നിന്നും നായ്ക്കള്‍ മാസം പറിച്ചെടുത്തു. കമ്യൂണിറ്റി ഹെല്‍ത്ത് കെയറില്‍ എത്തിച്ച യുവതിയെയും പല്ലവിയെയും കൂടുതല്‍ ചികിത്സയ്ക്കായി ജില്ലാ ആശുപത്രിയിലേക്ക് മാറ്റുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
