ചെന്നൈ: മധുരയിലെ ജല്ലിക്കെട്ട് വേദിയിൽ കർഷക നിയമത്തിനെതിരെ പ്രതിഷേധം. മധുരയിലെ അവണിയാപുരത്ത് നടക്കുന്ന ജല്ലിക്കെട്ട് വേദിയിലാണ് കരിങ്കൊടിയേന്തി പ്രതിഷേധമുണ്ടായത്. സംഭവത്തിൽ രണ്ട് പേർ അറസ്റ്റിലായി.
പ്രതിഷേധക്കാർ കേന്ദ്ര സർക്കാരിനെതിരേയും പ്രധാനമന്ത്രിക്കെതിരേയും മുദ്രാവാക്യം വിളിച്ചു. ജല്ലിക്കെട്ട് കാളകളെ മെരുക്കാൻ വന്ന ആളുകളിൽ നിന്നാണ് പ്രതിഷേധം ഉയർന്നത്. പ്രതിഷേധക്കാർ കരിങ്കൊടി ഉയർത്തുകയും മുദ്രാവാക്യം വിളിക്കുകയുമായിരുന്നു.
മുദ്രാവാക്യം ഉയർന്ന ഉടനെ പൊലീസ് ഇവരെ പിടിച്ചു മാറ്റുകയായിരുന്നു. പിന്നീട് രണ്ട് പേരെ പൊലീസ് അറസ്റ്റ് ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
