കാറിൻറെ ബമ്പർ കടിച്ചു കീറുന്ന കടുവയുടെ വീഡിയോ ദൃശ്യങ്ങൾ സോഷ്യൽ മീഡിയയിൽ വൈറലാകുന്നു. പാർക്കിനകത്തെ സഫാരിക്കിടെ ബാറ്ററി തകരാറിനെ തുടർന്ന് നിന്നുപോയ വാഹനത്തിലാണ് കടുവ പിടിത്തമിട്ടതെന്നാണ് റിപ്പോർട്ടുകൾ. പിന്നീട് റെസ്ക്യൂ സംഘമെത്തി വാഹനം കെട്ടിവലിച്ച് പുറത്തെത്തിച്ച് എന്നുമാണ് വിവരം.
ബംഗളൂരുവിലെ ബന്നാർഘട്ട ബയോളജിക്കൽ പാർക്കിലാണ് സംഭവം.കാറിൻറെ ബമ്പറിൽ കടിച്ചുതൂങ്ങിയ കടുവയുടെ വിഡിയോ ആണ് വൈറൽ ആകുന്നത്. ബന്നാർഘട്ട പാർക്കിൽ സഫാരിക്കെത്തിയവരുടെ കാറിലാണ് കടുവ പിടിത്തമിട്ടതെന്നാണ് റിപ്പോർട്ടുകൾ.ഒന്നര മിനിറ്റ് ദൈർഘ്യമുള്ള വീഡിയോയാണ് പുറത്തുവന്നത്.
സഫാരിക്ക് എത്തിയ മറ്റൊരു വാഹനത്തിലുള്ളവർ ക്യാമറയിൽ പകർത്തിയ ദൃശ്യങ്ങളാണ് വ്യാപകമായി പ്രചരിക്കുന്നത്. വൈറലായ ഈ വീഡിയോ ദൃശ്യങ്ങൾ ബന്നാർഘട്ട പാർക്കിൽനിന്നുള്ളതാണെന്ന് അധികൃതർ സ്ഥിരീകരിച്ചതായാണ് വിവരം. എന്നാൽ, ഈ വിഡിയോ രണ്ടുമാസം മുമ്പുള്ളതാണെന്നും സൂചനകളുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ