ജലന്ധർ: രാജസ്ഥാന് പിന്നാലെ രാജ്യത്ത് വീണ്ടും ഗ്രീന് ഫംഗസ് കേസ് റിപ്പോര്ട്ട് ചെയ്തു. പഞ്ചാബിലെ ജലന്ധറിലാണ് ഗ്രീന് ഫംഗസ് റിപ്പോര്ട്ട് ചെയ്തതിരിക്കുന്നത്.
കോവിഡ് മുക്തനായി ചികിത്സയില് കഴിയുന്ന 62കാരന് ഇവിടെ ഗ്രീന് ഫംഗസ് സ്ഥിരീകരിച്ചു. നിലവില് ഇയാള് ആശുപത്രിയില് നിരീക്ഷണത്തിലാണ്. ജലന്ധറിലെ സിവില് ആശുപത്രിയിലെ എപ്പിഡെമിയോളജിസ്റ്റായ ഡോ. പരംവീര് സിംഗാണ് ഗ്രീന് ഫംഗസ് സ്ഥിരീകരിച്ചതായി വ്യക്തമാക്കിയത്.
രാജസ്ഥാനില് മുപ്പത്തിനാലുകാരനാണ് നേരത്തെ ഗ്രീന് ഫംഗസ് റിപ്പോര്ട്ട് ചെയ്തത്. കഴിഞ്ഞ രണ്ടുമാസമായി കോവിഡ് ബാധിച്ച് ചികിത്സയിലായിരുന്നു ഇയാള്. പനിയും മൂക്കില് നിന്ന് വലിയ അളവില് രക്തവും വന്നിരുന്നു. ബ്ലാക്ക് ഫംഗസ് ബാധിച്ചതായാണ് ആദ്യം കരുതിയതെങ്കിലും തുടര് പരിശോധനയിലാണ് ഗ്രീന് ഫംഗസ് സ്ഥിരീകരിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ