വേനല്ക്കാലത്ത് വന്യമൃഗങ്ങള് കാട്ടിനോട് ചേര്ന്ന് കിടക്കുന്ന ജനവാസ കേന്ദ്രങ്ങളില് ആക്രമണം നടത്തുന്നത് ഓരോ കൊല്ലം കഴിയുന്തോറും വര്ധിച്ചുവരികയാണ്. കാട്ടാനയുടെ ശല്യമാണ് മുഖ്യമായി കര്ഷകര് നേരിടുന്നത്. വന്യമൃഗങ്ങളും മനുഷ്യനും തമ്മിലുള്ള സംഘട്ടനത്തിന്റെ മറ്റൊരു വാര്ത്ത വ്യത്യസ്തത കൊണ്ട് ഇപ്പോള് വാര്ത്തകളില് നിറയുകയാണ്.
കൃഷിയിടം നശിപ്പിച്ച കാട്ടാനയുടെ വ്യത്യസ്ത പ്രവൃത്തിയാണ് അമ്പരപ്പ് ഉണ്ടാക്കുന്നത്. തമിഴ്നാട്ടില് നിന്നുള്ളതാണ് ദൃശ്യങ്ങള്. വാഴകൃഷിയാണ് അപ്പാടെ കാട്ടാന നശിപ്പിച്ചത്. എന്നാല് ഒരു വാഴയെ മാത്രം വെറുതെ വിട്ടു. കിളിക്കൂട് കണ്ട് സഹാനുഭൂതി തോന്നിയ കാട്ടാന വാഴ വെറുതെ വിട്ടു എന്നാണ് കര്ഷകര് പറയുന്നത്. കൃഷി നശിച്ചതിന്റെ നിരാശയില് നില്ക്കുന്ന കര്ഷകര്ക്ക് ഇത് കണ്ടതോടെ ആനയോടുള്ള ദേഷ്യം വരെ പമ്പ കടന്നു. സുശാന്ത നന്ദ ഐഫ്എസാണ് വീഡിയോ ട്വിറ്ററില് പങ്കുവെച്ചത്. എന്തുകൊണ്ട് ആനയെ വലിയ മൃഗമായി വിശേഷിപ്പിക്കുന്നത് എന്നതിന്റെ വ്യക്തമായ ഉദാഹരണമാണ് ഈ സംഭവമെന്ന് സുശാന്ത നന്ദ ട്വിറ്ററില് കുറിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ