ചെന്നൈ: സർക്കാർമേഖലയിലെ ആരോഗ്യപ്രവർത്തകർക്ക് പ്രത്യേക പ്രോത്സാഹനത്തുക പ്രഖ്യാപിച്ച് തമിഴ്നാട് സർക്കാർ. മൂന്നുമാസക്കാലത്തേക്കാണ് പ്രത്യേക പ്രോത്സാഹനത്തുക പ്രഖ്യാപിച്ച് മുഖ്യമന്ത്രി എം കെ സ്റ്റാലിൻ ഉത്തരവിറക്കിയത്. കോവിഡ് ചികിത്സക്കിടെ രോഗം ബാധിച്ച് മരിച്ച ഡോക്ടർമാരുടെ കുടുംബങ്ങൾക്ക് ധനസഹായം വിതരണം ചെയ്യുമെന്നും അറിയിച്ചിട്ടുണ്ട്.
ഏപ്രിൽ, മെയ്, ജൂൺ മാസങ്ങളിലായി കോവിഡ് ചികിത്സാ ഡ്യൂട്ടിയിലുള്ള ഡോക്ടർമാർക്ക് 30,000 രൂപയും നഴ്സുമാർക്ക് 20,000 രൂപയും മറ്റു ജീവനക്കാർക്ക് 15,000 രൂപയും നൽകും. കോവിഡ് ചികിത്സക്കിടെ രോഗം ബാധിച്ച് മരിച്ച സംസ്ഥാനത്തെ 43 ഡോക്ടർമാരുടെ കുടുംബങ്ങൾക്ക് 25 ലക്ഷം രൂപ വീതം ധനസഹായം വിതരണം ചെയ്യുമെന്നു സർക്കാർ അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ