ന്യൂഡൽഹി: തലമുടി കൊണ്ട് ബസ് നീക്കി ഗിന്നസ് റെക്കോർഡ് കുറിച്ച് ആശ റാണി. 12,000 കിലോയിലധികം ഭാരമുള്ള ഡബിൾ ഡെക്കർ ബസാണ് ആശ തന്റെ പിന്നിയിട്ട മുടിയിൽ കെട്ടി വലിച്ചു നീക്കിയത്. മുടികൊണ്ട് ഏറ്റവും ഭാരം കൂടിയ വണ്ടി വലിച്ചുനീക്കിയെന്ന റെക്കോർഡാണ് ഈ ഇന്ത്യക്കാരി കുറിച്ചത്.
12,216 കിലോയാണ് ബസിന്റെ ഭാരം. ആശ ബസ് വലിച്ചുനീക്കുന്ന വിഡിയോ ഗിന്നസ് വേൾഡ് റെക്കോർഡ്സിന്റെ ഔദ്യോഗിക സോഷ്യൽ മീഡിയ പേജുകളിൽ പങ്കുവച്ചിട്ടുണ്ട്. നിരവധിപ്പേരാണ് ആശയ്ക്ക് അഭിനന്ദനവുമായി എത്തുന്നത്.
ആശയുടെ മുടിയുടെ കരുത്തിൽ അത്ഭുതപ്പെടുന്നവരാണ് ഏറെയും. ചിലർ യുവതിയുടെ കാലുകളും വളരെ ശക്തിയേറിയതാണെന്നും അതാണ് നേട്ടത്തിലെത്തിച്ചതെന്നും കമന്റിൽ കുറിച്ചു. മറ്റുചിലരാകട്ടെ ഷാംപൂ പരസ്യങ്ങൾക്ക് ഏറ്റവും മികച്ച വിഡിയോ എന്നാണ് കുറിച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ