ന്യൂഡല്ഹി: നാല് സംസ്ഥാനങ്ങളിലെ സര്ക്കാര് രൂപീകരണത്തിനായി ബിജെപി നിരീക്ഷരെ നിയോഗിച്ചു. ഉത്തര്പ്രദേശില് അമിത് ഷായും ഉത്തരാഖണ്ഡില് രാജ്നാഥ് സിങ്ങും നിരീക്ഷകരാകും. യുപിയില് അമിത് ഷായ്ക്കൊപ്പം രഘുവര്ദാസും ഉത്തരാഖണ്ഡില് മിനാക്ഷിലേഖിയും സഹനിരീക്ഷരായി ഉണ്ടാകും
മണിപ്പൂരില് നിര്മ്മലാ സീതാരാമനും ഗോവയില് നരേന്ദ്ര സിങ്ങ് തോമറുമാണ് നിരീക്ഷകര്. തുടര്ച്ചയായി രണ്ടാം തവണയും യു.പി മുഖ്യമന്ത്രിയായി ചുമതല ഏറ്റെടുക്കാനിരിക്കെ യോഗി ആദിത്യനാഥ് പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തിയിരുന്നു. മൂന്ന് ഉപമുഖ്യമന്ത്രിമാര് ഉണ്ടാകുമെന്നാണ് സൂചന. ഒരാളെ ദളിത് വിഭാഗത്തില് നിന്ന് ഉള്പ്പെടുത്താനാണ് ധാരണ.
സത്യപ്രതിജ്ഞാ ചടങ്ങിലേക്ക് യോഗി, പ്രധാനമന്ത്രിയെ ക്ഷണിച്ചു.ആഭ്യന്തര മന്ത്രി അമിത് ഷാ, പ്രതിരോധ മന്ത്രി രാജ്നാഥ് സിംഗ്, ബി.ജെ.പി ദേശീയ അദ്ധ്യക്ഷന് ജെ.പി നഡ്ഡ എന്നിവരുമായും അദ്ദേഹം ചര്ച്ച നടത്തി. ജാതി - പ്രാദേശിക സമവാക്യം പാലിച്ച് നിരവധി പുതുമുഖങ്ങളെ മന്ത്രിസഭയിലുള്പ്പെടുത്താനാണ് ബി.ജെ.പി നീക്കം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ