ടൊറന്റോ: കാനഡയിലെ ടൊറന്റോയില് ഉണ്ടായ വാഹനാപകടത്തില് അഞ്ച് ഇന്ത്യന് വിദ്യാര്ഥികള് മരിച്ചു. മരിച്ച അഞ്ച് പേരും പഞ്ചാബ് സ്വദേശികളാണ്. ഹർപ്രീദ് സിങ്, ജസ്പീന്ദർ സിങ്, കരൺപാൽ സിങ്, മോഹിത് ചൗഹാൻ, പവൻ കുമാർ എന്നിവരാണ് മരിച്ചത്. 21നും 24 വയസ്സിനും ഇടയിൽ പ്രായമുള്ളവരാണ് ഇവരെന്നാണ് റിപ്പോർട്ട്. രണ്ട് പേർക്ക് പരിക്കേറ്റു. കാനഡയിലെ ഇന്ത്യന് ഹൈക്കമ്മിഷണർ അജയ് ബിസാരിയ ആണ് അപകടവിവരം അറിയിച്ചത്.
ഇന്നലെ പുലര്ച്ചെ 3:45ഓടെ ഹൈവേ 401ൽ വിദ്യാര്ഥികള് സഞ്ചരിച്ചിരുന്ന വാൻ ട്രാക്ടറുമായി കൂട്ടിയിടിച്ചാണ് അപകടമുണ്ടായത്. അപകടത്തെക്കുറിച്ച് അന്വേഷണം തുടരുകയാണ്. ഇതുവരെ കേസ് റജിസ്റ്റർ ചെയ്തിട്ടില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ