ഹൈദരാബാദ്: ചാനല് ചര്ച്ചയ്ക്കിടെ തന്നെ വ്യക്തിപരമായി അധിക്ഷേപിച്ചു എന്ന് ആരോപിച്ച് തെലുങ്ക് നടന് വിശ്വക് സെന് ചാനല് അവതാരകയ്ക്കെതിരെ അപകീര്ത്തി കേസ് ഫയല് ചെയ്തു. തന്നെ വ്യക്തിപരമായി അധിക്ഷേപിക്കാന് അവര്ക്ക് അവകാശമില്ലെന്ന് ചൂണ്ടിക്കാട്ടി ചാനല് അവതാരക ദേവിക്കെതിരെയാണ് നടന് കേസ് കൊടുത്തത്.
കഴിഞ്ഞദിവസം ചാനല് ചര്ച്ചയ്ക്കിടെ ഉണ്ടായ സംഭവമാണ് കേസിനാസ്പദം. ചര്ച്ചയ്ക്കിടെ ഇരുവരും വാക്കേറ്റത്തില് ഏര്പ്പെട്ടു. തര്ക്കം മൂര്ച്ഛിച്ചതിനെ തുടര്ന്ന് കുപിതയായ ദേവി തന്നോട് ഇറങ്ങിപ്പോകാന് ആവശ്യപ്പെട്ടു. അതിനിടെ തന്നെ വിഷാദ രോഗി, ഭ്രാന്തന് സെന് എന്നിങ്ങനെ വിളിച്ച് അപമാനിച്ചതായി വിശ്വക് സെന് ആരോപിക്കുന്നു.
തന്നെ വ്യക്തിപരമായി അധിക്ഷേപിക്കാന് ദേവിക്ക് അവകാശമില്ലെന്ന് ചൂണ്ടിക്കാട്ടിയാണ് നടന് അപകീര്ത്തി കേസ് കൊടുത്തത്. നേരത്തെ വിജയ് ദേവരക്കൊണ്ടയുടെ അര്ജുന് റെഡ്ഡിയുടെ പ്രചാരണത്തിനിടയിലും ദേവിയുടെ പരാമര്ശങ്ങള് വിവാദമായിരുന്നു.
ഈ വാര്ത്ത കൂടി വായിക്കാം
സമകാലിക മലയാളം ഇപ്പോൾ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ