വാരാണസി: ഗ്യാന്വാപി പള്ളിക്കുള്ളില് ഉണ്ടെന്നു പറയപ്പെടുന്ന ശിവലിംഗത്തിന്റെ പഴക്കം നിര്ണയിക്കാന് കാര്ബണ് ഡേറ്റിങ് നടത്തണമെന്നാവശ്യപ്പെട്ട് ഹിന്ദു വിഭാഗം നല്കിയ ഹര്ജി വാരാണസി കോടതി തള്ളി. നിലവിലെ സ്ഥിതിയില് മാറ്റമില്ലാതെ സൂക്ഷിക്കണമെന്ന സുപ്രീം കോടതി നിര്ദേശം ചൂണ്ടിക്കാട്ടിയാണ് ജില്ലാ ജഡ്ജി എകെ വിശ്വേശയുടെ നടപടി.
ശിവലിംഗത്തില് കാര്ബണ് ഡേറ്റിങ് ഉള്പ്പെടെ ശാസ്ത്രീയ പരിശോധനകള് നടത്തണമെന്ന് ആവശ്യപ്പെട്ടാണ് ഹര്ജി സമര്പ്പിച്ചത്. കേസില് ഇരുപക്ഷത്തിന്റെയും വാദം കേള്ക്കല് ചൊവ്വാഴ്ച പൂര്ത്തിയായിരുന്നു.
കോടതിയുടെ നിര്ദേശപ്രകാരം നടത്തിയ വിഡിയോഗ്രാഫി സര്വേയില് പള്ളിക്കുളത്തില് ശിവലിംഗം കണ്ടെത്തിയെന്നാണ് റിപ്പോര്ട്ടുകള്. ഇതിന്റെ ശാസ്ത്രീയ പരിശോധന നടത്തണമെന്നാണ് ഹര്ജിക്കാര് ആവശ്യപ്പെട്ടത്. മസ്ജിദ് കമ്മിറ്റി ഇതിനെ എതിര്ത്തിരുന്നു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ