ന്യൂഡല്‍ഹി: രാജ്പഥിന്റെ പേര് കര്‍ത്തവ്യ പഥ് എന്നാക്കിയ പശ്ചാത്തലത്തില്‍ രാജ് ഭവനുകളുടെ പേര് കര്‍ത്തവ്യ ഭവന്‍ എന്നാക്കുമോയെന്ന് തൃണമൂല്‍ കോണ്‍ഗ്രസ് നേതാവും പാര്‍ലമെന്റ് അംഗവുമായ മഹുവ മൊയ്ത്ര. ട്വീറ്റിലൂടെയാണ് മൊയ്ത്ര ചോദ്യം ഉന്നയിച്ചത്.
കഴിഞ്ഞ ദിവസമാണ് ഡല്‍ഹിയിലെ ചരിത്രപ്രസിദ്ധമായ രാജ് പഥിന്റെ പേര് കര്‍ത്തവ്യ പഥ് എന്നു മാറ്റിയത്. പേരുമാറ്റാനുള്ള കേന്ദ്ര നഗരവികസന വകുപ്പിന്റെ നിര്‍ദേശം ഡല്‍ഹി മുനിസിപ്പല്‍ കോര്‍പ്പറേഷന്‍ അംഗീകരിക്കുകയായിരുന്നു.
രാഷ്ട്രപതി ഭവന്‍ മുതല്‍ ഇന്ത്യാ ഗേറ്റ് വരെയുള്ള പാതയുടെ പേരാണ് കര്‍ത്തവ്യ പഥ് എന്നു മാറ്റിയത്. ബ്രിട്ടീഷ് ഭരണ കാലത്ത് കിങ്‌സ് വേ എന്ന് അറിയപ്പെട്ടിരുന്ന ഇവിടം സ്വാതന്ത്ര്യത്തിനു ശേഷമാണ് രാജ്പഥ് എന്ന് പുനര്‍നാമകരണം ചെയ്തത്. രാഷ്ട്രപതി ഭവന്‍ മുതല്‍ നാഷണല്‍ സ്‌റ്റേഡിയം വരെയും സെന്‍ട്രല്‍ വിസ്ത പുല്‍ത്തകിടിയും ഉള്‍പ്പെടുന്ന ഈ പ്രദേശം ഇനി 'കര്‍ത്തവ്യപഥ്' എന്നാണ് അറിയപ്പെടുക.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
