കാട്ടില് വന്യമൃഗങ്ങളെ ശല്യം ചെയ്യരുത് എന്നാണ് വ്യവസ്ഥ. അവയുടെ സൈ്വര്യവിഹാരത്തിന് തടസം നില്ക്കുന്ന തരത്തിലുള്ള ഒരു പെരുമാറ്റവും അരുത് എന്നാണ് വനപാലകര് എപ്പോഴും നല്കുന്ന മുന്നറിയിപ്പ്. ഇതില് നിന്ന് വ്യത്യസ്തമായി മൃഗങ്ങളോട് കാണിക്കുന്ന മോശം പെരുമാറ്റത്തിന്റെ ഒരു വീഡിയോയാണ് ഇപ്പോള് വൈറലാകുന്നത്.
പര്വീണ് കാസ് വാന് ഐഎഫ്എസാണ് വീഡിയോ പങ്കുവെച്ചത്. കാടിനോട് ചേര്ന്നുള്ള റോഡില് കാട്ടാനയെ ലൈറ്റടിച്ച് ഭയപ്പെടുത്തുന്ന വീഡിയോയാണ് ഉള്ളടക്കം. ലൈറ്റ് കണ്ണില് അടിച്ചതിനെ തുടര്ന്ന് കാട്ടാന ഭയന്ന് ഒഴിഞ്ഞുമാറാന് ശ്രമിക്കുന്നത് വീഡിയോയയില് വ്യക്തമാണ്.
കാട്ടാന പിന്തിരിഞോടി മരത്തിന്റെ മറവില് ഒളിയ്ക്കാന് ശ്രമിക്കുന്നതാണ് വീഡിയോയില് അവസാനം. എന്നിട്ടും വാഹനത്തില് ആനയെ വിടാതെ പിന്തുടരുന്നതും വീഡിയോയില് വ്യക്തമാണ്. ഭയന്ന് വിറച്ച് നില്ക്കുന്ന ആനയുടെ രൂപം ആരെയും വേദനിപ്പിക്കുന്നതാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ