ന്യൂഡല്‍ഹി: 17കാരിയെ മുന്‍ ഐബി ഉദ്യോഗസ്ഥന്‍ ബലാത്സംഗം ചെയ്തതായി പരാതി. ജോലി നല്‍കാമെന്ന് വാഗ്ദാനം ചെയ്ത് ഹോട്ടല്‍മുറിയില്‍ കൊണ്ടുപോയി പീഡിപ്പിച്ചു എന്നാണ് പരാതിയില്‍ പറയുന്നത്. കുട്ടിയുടെ അച്ഛന്റെ സുഹൃത്ത് കൂടിയായ 60കാരന്‍ ഒളിവിലാണ്. ഇയാളെ പിടികൂടാന്‍ അന്വേഷണ സംഘത്തിന് രൂപം നല്‍കിയതായി പൊലീസ് പറയുന്നു.
ഡല്‍ഹിയിലെ കരോള്‍ ബാഗില്‍ തിങ്കളാഴ്ചയാണ് സംഭവം. ഹൈസ്‌കൂള്‍ വിദ്യാഭ്യാസം പൂര്‍ത്തിയാക്കിയ 17കാരി ബ്യൂട്ടീഷന്‍ കോഴ്‌സ് ചെയ്യുകയാണ്. ജോലി നല്‍കാമെന്ന് വാഗ്ദാനം ചെയ്ത് ഹോട്ടല്‍ മുറിയില്‍ കൊണ്ടുപോയി പീഡിപ്പിച്ചു എന്നതാണ് പരാതി. തുടര്‍ന്ന് വീട്ടില്‍ കൊണ്ടുപോയി വിട്ട 60കാരന്‍ ഇക്കാര്യം പുറത്തുപറയരുതെന്ന് പറഞ്ഞ് പെണ്‍കുട്ടിയെ ഭീഷണിപ്പെടുത്തിയതായും പരാതിയില്‍ പറയുന്നു.
വനിതാദിനത്തില്‍ നടന്ന കാര്യം പെണ്‍കുട്ടി വെളിപ്പെടുത്താന്‍ തയ്യാറായതോടെയാണ് സംഭവം പുറംലോകം അറിഞ്ഞത്. പെണ്‍കുട്ടിയുടെ പരാതിയില്‍ ബലാത്സംഗം, പോക്‌സോ വകുപ്പുകള്‍ പ്രകാരം പൊലീസ് കേസെടുത്ത് അന്വേഷണം ആരംഭിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
