ഷിംല: കുരങ്ങിന്റെ ആക്രമണത്തില്‍ നിന്നും രക്ഷപ്പെടാന്‍ ശ്രമിക്കുന്നതിനിടെ യുവതി വീടിന്റെ മൂന്നാം നിലയില്‍ നിന്ന് വീണ് മരിച്ചു. ഹിമാചല്‍ പ്രദേശിലെ ഷിംലയിലാണ് സംഭവം. മൂന്നാംനിലയില്‍ ഉണങ്ങാനിട്ട തുണി എടുക്കാന്‍ പോയപ്പോഴാണ് യുവതിക്ക് നേരെ കുരങ്ങുകളുടെ ആക്രമണം ഉണ്ടായത്. ഹിമാനി ശര്‍മയെന്ന യുവതിയാണ് മരിച്ചത്.
കുരങ്ങുകളുടെ ആക്രമണത്തില്‍ നിന്ന് രക്ഷപ്പെടാന്‍ ശ്രമിക്കുന്നതിനിടെ കാല്‍തെറ്റി വീടിന്റെ മുകളില്‍ നിന്നും വീഴുകയായിരുന്നു. ഉടന്‍ തന്നെ ഐജിഎംസി മെഡിക്കല്‍ കോളജ് ആശുപത്രിയിലെത്തിച്ചെങ്കിലും അപ്പോഴെക്കും മരിച്ചിരുന്നു. മൃതദേഹം പോസ്റ്റ്‌മോര്‍ട്ടത്തിന് അയച്ചതായി പൊലീസ് അറിയിച്ചു.
പ്രദേശത്ത് കുരങ്ങുശല്യം രൂക്ഷമാണെന്നും താമസക്കാര്‍ക്ക് നേരെ ആക്രമണങ്ങള്‍ ഏറുകയാണെന്നും പൊലീസ് പറഞ്ഞു. വിഷയം അധികൃതരെ അറിയിച്ചിട്ടുണ്ടെന്നും ആവശ്യമായ നടപടികള്‍ ഉടന്‍ സ്വീകരിക്കണമെന്നുമാണ് നാട്ടുകാരുടെ ആവശ്യം.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
