ന്യൂഡല്‍ഹി: ഐസിഎസ്ഇ, ഐഎസ് സി ബോര്‍ഡ് പരീക്ഷകളുടെ ടൈംടേബിൾ പ്രസിദ്ധീകരിച്ച് കൗണ്‍സില്‍ ഫോര്‍ ഇന്ത്യന്‍ സ്‌കൂള്‍ സര്‍ട്ടിഫിക്കറ്റ് എക്‌സാമിനേഷന്‍സ്. പന്ത്രണ്ടാം ക്ലാസ് പരീക്ഷയാണ് ഐഎസ് സി. cisce.org എന്ന വെബ്‌സൈറ്റില്‍ കയറി ടൈംടേബിള്‍ നോക്കാവുന്നതാണ്.
ഫെബ്രുവരി 12 മുതല്‍ ഏപ്രില്‍ മൂന്ന് വരെയാണ് ഐഎസ് സി പരീക്ഷ ( പന്ത്രണ്ടാം ക്ലാസ്). എല്ലാ പരീക്ഷ ദിവസവും ഉച്ചയ്ക്ക് രണ്ടുമണിക്കാണ് പരീക്ഷ തുടങ്ങുക. മൂന്ന് മണിക്കൂറാണ് പരീക്ഷ. ഐസിഎസ്ഇ ( പത്താം ക്ലാസ്) പരീക്ഷ ഫെബ്രുവരി 21 മുതല്‍ മാര്‍ച്ച് എട്ട് വരെയാണ്. മാനവിക വിഷയങ്ങളില്‍ രാവിലെ ഒന്‍പത് മണി മുതലാണ് പരീക്ഷ. മറ്റു വിഷയങ്ങളില്‍ രാവിലെ 11 മണി മുതലാണ് പരീക്ഷ തുടങ്ങുക. മാനവിക വിഷയങ്ങളില്‍ മൂന്ന് മണിക്കൂറാണ് പരീക്ഷ. മറ്റു വിഷയങ്ങളില്‍ രണ്ടുമണിക്കൂറും.
വെബ്‌സൈറ്റില്‍ കയറി 'ICSE ISC Board Exam 2024 date sheet' എന്ന നോട്ടിഫിക്കേഷന്‍ ലിങ്കില്‍ ക്ലിക്ക് ചെയ്താല്‍ ടൈംടേബിള്‍ ലഭിക്കും. പിഡിഎഫ് ഫയലിലേക്കാണ് ഇത് റീഡയറക്ട് ചെയ്യുന്നത്. തുടര്‍ന്ന് സ്‌ക്രീനില്‍ ടൈംടേബിള്‍ തെളിഞ്ഞുവരുന്ന നിലയിലാണ് ക്രമീകരണം.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
