കൊല്‍ക്കത്ത: ചികിത്സയില്‍ തുടരുന്ന ബംഗാള്‍ മുന്‍ മുഖ്യമന്ത്രി ബുദ്ധദേബ് ഭട്ടാചാര്യയുടെ നില അതീവഗുരുതരമായി തുടരുന്നുവെന്ന് ആശുപത്രി അധികൃതര്‍. വെന്റിലേറ്ററിന്റെ സഹായത്തോടെയാണ് ജീവന്‍ നിലനിര്‍ത്തുന്നതെന്നും ആശുപത്രി പുറത്തിറക്കിയ മെഡിക്കല്‍ റിപ്പോര്‍ട്ടില്‍ പറയുന്നു. ശനിയാഴ്ചയാണ് ശ്വാസകോശ സംബന്ധിയായ രോഗത്തെ തുടര്‍ന്ന്‌
കൊല്‍ക്കത്തയിലെ വുഡ്‌ലാന്‍ഡില്‍ ആശുപത്രിയില്‍ പ്രവേശിപ്പിച്ചത്.
79കാരനായ ബുദ്ധദേബിന്റെ ആരോഗ്യസ്ഥിതി അതിവഗുരുതരമായി തുടരുകയാണ്. ചികിത്സയിലുള്ള അദ്ദേഹത്തെ മുതിര്‍ന്ന ഡോക്ടര്‍മാരടങ്ങുന്ന ഒന്‍പതംഗ സംഘമാണ് നിരീക്ഷിച്ചു വരുന്നത്.
ബുദ്ധദേബ് 2000 മുതല്‍ 2011 വരെ പശ്ചിമ ബംഗാള്‍ മുഖ്യമന്ത്രിയായിരുന്നു. 2015ല്‍ സിപിഎം കേന്ദ്ര കമ്മിറ്റിയില്‍ നിന്ന് ഒഴിവായി.
ഈ വാര്‍ത്ത കൂടി വായിക്കൂ പിഎസ്എൽവി സി 56 വിക്ഷേപിച്ചു; ഐഎസ്ആർഒയുടെ വാണിജ്യ ദൗത്യം
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
