മുംബൈ; പ്രമുഖ ഇന്ത്യൻ റാപ്പർ യോയോ ഹണി സിങ്ങിന് ഗോൾഡി ബ്രാറിന്റെ വധഭീഷണി. കഴിഞ്ഞ ദിവസമാണ് ഹണി സിങ്ങിനും അദ്ദേഹത്തിന്റെ ജീവനക്കാർക്കും വധഭീഷണി ലഭിച്ചത്. രാജ്യാന്തര നമ്പറിൽ നിന്നാണ് കോളുകൾ വന്നത്. ഗായകൻ പൊലീസിൽ പരാതി നൽകി. താനും കുടുംബവും ഭയത്തിലാണെന്നും താരം വ്യക്തമാക്കി.
രാജ്യാന്തര നമ്പറിൽനിന്നു ഗോൾഡി ബ്രാർ എന്നു പരിചയപ്പെടുത്തിയശേഷമായിരുന്നു വധഭീഷണി. കോളുകളായിട്ടും വോയ്സ് നോട്ടുകളുമായാണ് ഭീഷണി എത്തിയത്. തെളിവ് സഹിതം പരാതി നൽകിയതായി ഹണി സിങ് പറഞ്ഞു. തന്റെ ജീവിതത്തിൽ ആദ്യമായാണ് ഇത്തരത്തിൽ അനുഭവമുണ്ടാകുന്നതെന്നും താനും കുടുംബവും ഭയത്തിലാണെന്നും താരം വ്യക്തമാക്കി.
ഗായകൻ സിദ്ധു മുസവാലെയുടെ മരണത്തിൽ പങ്കാളിയാണെന്ന് കരുതുന്ന വ്യക്തിയാണ് ഗോൾഡി ബ്രാർ. കഴിഞ്ഞ വർഷം മേയ് 29നാണ് സിദ്ധു പഞ്ചാബിൽ വച്ച് വെടിയേറ്റ് കൊല്ലപ്പെട്ടത്. കാനഡ ആസ്ഥാനമായി പ്രവർത്തിക്കുന്ന ഗാങ്സ്റ്റർ ആണ് ഗോൾഡി ബ്രാർ. ലോറൻസ് ബിഷ്ണോയ് ഗ്യാങ്ങിലെ അംഗമായ ഇയാൾ സിദ്ധു മുസവാലെയുടെ കൊലപാതകത്തിന്റെ ഉത്തരവാദിത്വം ഏറ്റെടുത്തിരുന്നു.
എന്നാൽ, ഹണി സിങ്ങിനെ ഭീഷണിപ്പെടുത്തിയത് ഗോൾഡി ബ്രാർ ആണ് എന്നതിന് സ്‌ഥീരികരണമില്ലെന്നു പൊലീസ് വ്യക്തമാക്കി. സിദ്ധു മുസവാലെയുടെ കൊലയിലും ഗോൾഡി ബ്രാറിനെതിരെ ആരോപണമുണ്ട്. സംഭവത്തിൽ സ്‌പെഷൽ സെൽ അന്വേഷണം തുടങ്ങി.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
