ബംഗളൂരു: പാമ്പിനെ കുറിച്ച് കേൾക്കുമ്പോൾ തന്നെ ഭയപ്പെടുന്നവരാണ് ഭൂരിഭാഗം ആളുകളും. പാമ്പിനെ നേരിട്ട് കണ്ടാൽ പറയുകയും വേണ്ട!.
ഇപ്പോൾ കർണാടകയിൽ നിന്ന് പുറത്ത് വരുന്ന വീഡിയോയാണ് കാണുന്നവരുടെ നെഞ്ചിടിപ്പ് കൂട്ടുന്നത്. മൂർഖന്റെ കടിയേൽക്കാതെ തലനാരിഴക്ക് കുട്ടി രക്ഷപെടുന്ന വീഡിയോയാണ് പുറത്ത് വന്നിട്ടുള്ളത്.
ബെൽഗാം താലൂക്കിലെ ഹൽഗയിലാണ് സംഭവം. ഹൽഗയിലെ സുഹാസ് സായിബന്നവാറിൻറെ വീട്ടിലെ സിസിടിവി ദൃശ്യങ്ങളാണ് വൈറലാകുന്നത്.
വീടിൻറെ ഉമ്മറത്ത് പാമ്പ് കിടക്കുന്നത് കാണാതെ വാതിലിന് അരികിലേക്ക് പെൺകുട്ടി വരുന്നതാണ് വീഡിയോയുടെ തുടക്കം.
കുട്ടി വാതിലിൻറെ സമീപത്ത് നിൽക്കുമ്പോൾ പാമ്പ് കൊത്താനായി എത്തുന്നത് വീഡിയോയിൽ കാണാം. പെട്ടെന്ന് പാമ്പിനെ കണ്ട് കുട്ടി പേടിച്ച് മാറിയത് കാരണമാണ് രക്ഷപ്പെട്ടത്. തുടർന്ന് പാമ്പ് ഇഴഞ്ഞുനീങ്ങുന്നിടത്താണ് വീഡിയോ അവസാനിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ