സൂറത്ത്: ഗുജറാത്തില്‍ മായം കലര്‍ന്ന ആയുര്‍വേദ സിറപ്പ് കുടിച്ച് അഞ്ചുപേര്‍ മരിച്ചു. രണ്ടുപേരെ ആശുപത്രിയില്‍ പ്രവേശിപ്പിച്ചു. ഖേഡ ജില്ലയിലാണ് സംഭവം.
'കല്‍മേഘാസവ അരിഷ്ടം' എന്ന പേരുള്ള ആയുര്‍വേദ സിറപ്പാണ് ഇവര്‍ കഴിച്ചത്. കടയുടമ അന്‍പതോളം പേര്‍ക്ക് ഈ സിറപ്പ് വിറ്റിരുന്നതായി പ്രാഥമിക അന്വേഷണത്തില്‍ കണ്ടെത്തിയതായി പൊലീസ് പറഞ്ഞു.
സിറപ്പ് കുടിച്ച ഒരാളുടെ രക്തസാമ്പിള്‍ പരിശോധിച്ചപ്പോള്‍ മീഥെയ്ല്‍ ആല്‍ക്കഹോളിന്റെ സാന്നിധ്യം കണ്ടെത്തിയതായും ഖേഡ പൊലീസ് സൂപ്രണ്ട് രാജേഷ് ഗാധിയ പറഞ്ഞു. രണ്ടുദിവസത്തിനിടെ സിറപ്പ് കഴിച്ചതിനെ തുടര്‍ന്ന് അഞ്ച് പേര്‍ മരിച്ചതായും രണ്ടുപേര്‍ ചികിത്സയിലാണെന്നും അദ്ദേഹം പറഞ്ഞു. കടയുടമയുള്‍പ്പടെ മൂന്ന് പേരെ കസ്റ്റഡിയിലെടുത്തതായി അദ്ദേഹം കൂട്ടിച്ചേര്‍ത്തു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
