ചെന്നൈ: പള്ളിയിൽ പ്രാർത്ഥനയ്ക്കെത്തിയ നഴ്സിങ് വിദ്യാർഥിനിയോട് ലൈംഗികാതിക്രമം കാണിച്ച വൈദികനെതിരെ കേസ്. പ്ലാങ്കാലയിലെ സിറോ മലങ്കര കത്തോലിക്കാ സഭയുടെ ലിറ്റിൽ ഫ്ലവർ ഫൊറാന പള്ളി വികാരിയായ ബെനഡിക്ട് ആന്റോ(29)ക്കെതിരെയാണ് കേസെടുത്തത്. കൊല്ലങ്കോട് ഫാത്തിമ നഗർ സ്വദേശിയാണ് ഇയാൾ.
ബെനഡിക്ട് ആന്റോ പേച്ചിപ്പാറയിൽ വൈദികനായിരുന്ന സമയത്താണ് കേസിനാസ്പദമായ സംഭവം. പ്രാർഥനക്കെത്തിയ തന്നെ പീഡിപ്പിച്ചതായി നഴ്സിങ് വിദ്യാർഥിനി നാഗർകോവിൽ എസ് പി ഓഫിസിൽ പരാതി നൽകുകയായിരുന്നു. പ്രതിക്കെതിരെ സമാന പരാതികൾ വേറെയും ഉണ്ടെന്ന് പൊലീസ് പറഞ്ഞു. അഞ്ച് വകുപ്പുകൾ ചുമത്തിയാണ് സൈബർ ക്രൈം പൊലീസ് ഇയാൾക്കെതിരെ കേസെടുത്തത്. പ്രതി ഒളിവിൽ പോയതായി പൊലീസ് പറഞ്ഞു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ