ന്യൂഡല്ഹി: ലോക്സഭാ തെരഞ്ഞെടുപ്പ് പ്രഖ്യാപനം ഇന്നുണ്ടായേക്കുമെന്ന് റിപ്പോര്ട്ടുകള്. ജമ്മു കശ്മീരിലെ നിയമസഭാ തെരഞ്ഞെടുപ്പും ലോക്സഭാ തെരഞ്ഞെടുപ്പിനൊപ്പം നടത്താനാണ് ആലോചന. ലോക്സഭാ തെരഞ്ഞെടുപ്പ് ഒരുക്കങ്ങള് വിലയിരുത്തുന്നതിനായി മുഖ്യതെരഞ്ഞെടുപ്പ് കമ്മീഷണര് സംസ്ഥാനങ്ങള് സന്ദര്ശിച്ചിരുന്നു.
പുതിയ തെരഞ്ഞെടുപ്പ് കമ്മീഷണര്മാരെ നിയമിച്ചുകൊണ്ടുള്ള കേന്ദ്രവിജ്ഞാപനം ഇന്ന് തന്നെ പുറത്തിറക്കിയേക്കുമെന്നാണ് സൂചന. തുടര്ന്ന് പുതിയ കമ്മീഷണര്മാര് കൂടി പങ്കെടുക്കുന്ന യോഗത്തിന് ശേഷമാകും തെരഞ്ഞെടുപ്പ് തീയതി പ്രഖ്യാപിക്കുകയെന്നാണ് റിപ്പോര്ട്ടുകള്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
കഴിഞ്ഞ തവണ മാര്ച്ച് പത്തിനാണ് ലോക്സഭാ തെരഞ്ഞെടുപ്പ് തീയതി പ്രഖ്യാപിച്ചത്. ഏപ്രില് 11ന് ആരംഭിച്ച് മെയ് പതിനൊന്ന് വരെ ഏഴ് ഘട്ടങ്ങളിലായിട്ടായിരുന്നു വോട്ടെടുപ്പ്. നിലവിലെ ലോക്സഭയുടെ കാലാവധി ജൂണ് പതിനാറിന് അവസാനിക്കും.
കഴിഞ്ഞ തെരഞ്ഞെടുപ്പില് 303 സീറ്റുകളാണ് ബിജെപി നേടിയത്. എന്ഡിഎ മൊത്തം 353 സീറ്റുകള് നേടി അധികാരം നിലനിര്ത്തുകയായിരുന്നു. ഇത്തവണ തെരഞ്ഞെടുപ്പ് പ്രഖ്യാപനത്തിന് മുന്പെ 250 സ്ഥാനാര്ഥികളെ ബിജെപി പ്രഖ്യാപിച്ചു. 82 സ്ഥാനാര്ഥികളെയാണ് കോണ്ഗ്രസ് പ്രഖ്യാപിച്ചത്. പ്രധാനമന്ത്രി നരേന്ദ്രമോദി വാരാണസിയിലും രാഹുല് ഗാന്ധി വയനാട്ടിലും മത്സരിക്കും. പ്രിയങ്ക റായ്ബറേലിയിലും രാഹുല് അമേഠിയിലും മത്സരിക്കുമെന്നും റിപ്പോര്ട്ടുകളുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ